CHINESE RESEARCHER CONSULATE A BIRU CHU US COURT A INLAN TURA KOH A NI

July 25, 2020 Inrinni: Ms.Tang Juan hi Chinese researchers FBI in Visa hman sual avanga man an duh zinga pakhat a ni a, man anih hmain Chinese Consulate San Francisco ah a biru a. Hetiang hi ni mahse US Court chuan Zirtawpni hian Court a inlan turin a ko a ni. ( San Francisco nen standard time darkar 12:30 laiin a inthauh avangin Zirtawpni an hmang tlai deuh tih hria ila). 


Tang Juan hian China sipai People's Liberation Army  nen an inzawmna thupin cancer enkawlna lam  University of California-Davis, a resereach ti turin visa a hmu a, tunah hian US ram chhung ah a awm mek avangin biru hlen tak tak thei dinhmunah a ding lo tih official hming sawi lan duh loh chuan reporters hnenah a sawi. 


Engtin nge  Tang  hi Consulate ah hian a awm mai theih dan chu a sawi lan a ni lo a, ram aiawh palai dinhmun (diplomatic status) engmah a neih loh avangin thil sual leh dan bawh chhiatna lakah awl theihna engmah a nei lo. 



Tang Juan laka thu buai hi kar hmasa khan Sacramento federal court ngaihtuah turin a lut a, United States ah hian  December 27, 2019 khan research exchange program turin a thleng a ni. Visa hmu tura zawhna, a chhan danah Sipai mi leh sa a ni em tih leh sipai lam nen inkungkaihna a nei em, tih te, communist party mi leh sa a ni em tih zawhna te chu "aih" ti vekin a chhang a ni. 


Hetiang hian chhang mahse Federal Bureau of Investigation (FBI) thil hriat leh hmuh chu a insawi dan ang hi a ni ta hauh lo mai. Uniform nena a thlalak PLA chhinchhiahna chuang te an hmu a, a chanchin an chhui zui zel danin PLA "civilian cadres" ni a hriat a ni a, amah hi  associate researcher, Chinese Air Force hospital a mi a ni. 


Davis, California hmuna chenna in ațanga FBI ten lehkha  an hmuh chhuah zingah communist party member a nihna lehkha a tel a ni. 


Tang Juan hi  Chinese researchers pali man tur zinga pakhat a ni a, pathum dangte chu man an ni tawh a, man an nihna chhan hi visa dan bawhchhiain PLA nena an inkungkaihna an thup bo an tum vang a ni. 


 Ningani khan Justice Department  chuan China thil tih dan chu "a ruk a rala chetna" leh zep leh puan hnuai nei chunga  US ram zirna țhaa thiamna bik ( scientific and technological knowledge) neih tumna a nih thu a sawi.

( World Agence France - Presse) 

Source :
NDTV 
July 24, 2020
@ 11:34 IST

====24==07==20==
Huna Kawlvawm

Post a Comment

0 Comments