Legal Metrology Enforcement ten Contraband Cigarette man

Aizawl | July 29, 2020: Legal Metrology Enforcement chuan tunlai hian khawchhak atanga dan lova lo lut, contraband cigarettes an man nasa hle.


Heng contraband cigarettes- V cigarretes, Classic, Far Star, Valiant, Paris, Peacock leh adangte te hi Legal Metrology (Packaged Commodities) Rules 2011 in a phut angin maximum retail price, manufacturer address kim chang a awm lo a, chhiah (tax) a chawi tir theih loh bakah Cotpa dan in a sawi angin a funna-ah health warning a awm lo bawk a ni.



July thla chhungin sumdawng dawr te 40 atangin contraband cigarettes 440 man tawh a ni a. Heng an mante hi Pakaged Commodities Rules in a sawi anga pawisa chawi tir bakah Cigarettes te hi dan angin tihchhiat vek zel thin a ni. Hetiang hi dan kalhmang a nih vangin sumdawngte chu harsatna an pumpelh nan contraband cigarettes te zuar lo hram turin Department chuan a ngen.

 

Thenkhat-in contraband cigarettes te hi online in, Whatsapp leh Facebook-ah te an zuar thin a, hetianga zuartute chu dan anga hrem theih an nih avangin ti tawh lo turin a ngen a ni.

 - DIPR





(A hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post