Kumin-ah Mizoram-ah mi 2317 in sikserh vei; thihpui pathum awm tawh

Aizawl | July 16, 2020: Kumin January atanga May 2020 inkar chhungin  Malaria vei mi 2317 an awm a.  Thihpui mi 3 an awm bawk.



Nikum 2019 khan January atanga December 2019 inkar chhungin Malaria vei mi 8543 awmin thihpui mi 8 an awm bawk.

He thu hi July 8 chawhnu Dar 1 a  HFW secretary H Lalengmawia IAS, hova Department hrang hrang intelkhawmna State Level Task Force committee on Malaria Elimination meeting report in a tarlan a ni.

Hemi chungchanga thusawitu Health Secretary H Lalengmawia IAS chuan "COVID 19 hrileng avanga lockdown kalpui mek a nih avang in mipui ten hunawl kan nei tam deuh niin a lang a. hei hian Malaria case a punna kawngah kawngro a su niin a hriat a. Tin, Ramri lama Duty mi eng emaw zah an awm bawk avangin hengah te hian Malaria case sanna chance a awm bawk a ni" a ti a. Health Secretary chuan, "Malaria leh natna dang dona kawngah hian Dept hrang hrang te leh Kohhran leh khawtlang hruaitute an pawimawh vek  a, Malaria umbo hna hi Health department thawktute chauh tih theih a ni lo va. Khawtlang mipuite nen nasa taka tan ho a ngaih avangin Village level-ah Malaria Programme hrang hrang te hi nasa lehzuala kalpui a ngai a ni," a ti.

He hunah NVBDCP Joint Director Dr Lalremmawii chuan,  Malaria um bo tura khawtlang mipuite rilru sukthlek tih danglam a tulzia uar taka sawiin zirtirna thar inpek kan ngaih thu a tarlang.

He convergence meeting-ah hian Department hrang hrang atangin Officials te an kal tha hle a. Heng Department  aiawh te hian anmahni department theuhvah  Malaria dona kawnga hma an lak ve theih dan tur te leh Health department thawhpui an inhuam thu an sawi bawk. Central YMA aiawhte pawhin mipuite zirtirna kawngah leh malaria natna umbona kawngah Health department chu hmalak pui an inhuam thu an sawi bawk.

Post a Comment

0 Comments