KUM 2019-20 CHHUNGIN BANK KAL TLANGA INBUMNA 84,545 A THLENG, RS 1.85 LAKH CRORE RUK A NI- RBI

July 27, 2020: Tangka kum liam ta 2019-20 chhung khan India ram chhungah Bank kaihnawih thila inbumna (fraud cases) 84,545 a thleng a - hetah hian sum buai leh ruk sak hi   Rs 1.85 lakh crore lai a tling a ni. Hengte hi Bank lian  scheduled commercial banks leh Financial Institution țhenkhata thleng a nih thu RTI activist chuan sawiin, he a thil hriat hi  Reserve Bank of India hnena  RTI hmanga a dil chhuah anih thu  Right to Information activist Abhay Kolarkar chuan sawiin, Bank chungchanga a zawhna hrang hrang zinga  RBI in ni rei vak lo kal taa a chhanna a nih thu a sawi.

Kolarkar hian RTI hmanga a dil chu April 1, 2019 ațanga March 31, 2020 inkarah Bank kaihnawiha inbumna  (Bank fraud case) engzat nge awm tih leh chutah chuan sum engzat nge rukbo leh ruk chhuah anih tih a ni.

 RBI  chhannaah chuan heng Bank kal tlanga inbumna hi Sorkar Bank lian -- Scheduled commercial Bank  te leh  Financial Institution thlan chhuah ațanga report  Financial Year 2019-20  chhunga an dawn danin mi 84,545 ten hetiang hmanga bum hi an tawk a, sum inhnamhnawih zat pawh Rs 1,85,772.42 crore lai a ni.

Zawhzui zelnaah chuan hetiang thilah hian Bank hnathawk te inhnamhnawih an awm em tih te, awm ta se sum engzat nge chutah chuan awm  tih chu RBI chuan chutiang chu Bank te ațangin a chipchiarin an dawng tel lo tih a ni.

"Amaherawhchu, hetiang a ni chung hian RBI chuan Bank hmanga inbumnaa Bank hnathawk inhnamhnawih ngei nia ngaih Scheduled commercial Bank te leh Financial Institution thlan chhuah bik hnen ațanga an dawn dan chuan tangka kum 2019-20  chhung hian chutiang chu 2,668 a awm a, sum inhnamhnawih zat pawh  Rs 1,783.22 crore a ni," tih central Bank (RBI) chuan a sawi.

 RTI  hmang hian Bank dawrtu ten Bank laka an lungawi lohna  RBI ombudsmen  office 15 lai a neihah hian April 1, 2019 ațanga March 31, 2020 inkarah lungawi lohna thlen engzat nge awm tih a ni.

July 1, 2019 ațanga March 2020 thleng khan chutiang lungawi lohna thlen chu  2,14,480 lai an dawng a ni.

Hetiang hi lungawi lohna thlentu ten Bank chunga an lungawi lohna an thlen dan a ni ;  SBI- 63,259, HDFC bank- 18,764, ICICI bank- 14,582, Punjab National Bank- 12,469, Axis bank -12,214 te an ni.

Central Bank (RBI) hian zawhna a chhan dan chuan April 1, 2019 ațanga June 30, 2019 thleng khan lungawi lohna thlen 56,493 a awm a ni.

2019-2020 chhung hian  Bank dang nena suihfin  Bank 438 branch a awm a, -- SBI - 130, Central Bank of India - 62, Allahabad Bank - 59  te an ni.

2019-20  chhung hian Bank branch khar zat chu 194 a ni a, SBI  78,  25 of Fino payments Bank Limited te an ni.

Hetianga Bank hmang inbumna hi Central/State a tute Sorkar vang emaw Sorkar loh vang emaw puhmawh tur a awm lo, misual thil tih a ni ringawt tih hriat tur a ni.

SAWI ZUINA
1. Bank kaltlanga pawisa inruksakna (Bank fraud case) hi India ram mai ni lo Khawvel pumah a hluar hle a, social media hmangin Bank information Account No, ATM PIN No, OTP No etc tumah Mizo țawng, English, Hindi in țawngkam emaw ziakin emaw diltu che an awm chuan arang thei ang berin Police station ah report tur a ni.

2. Mi tuin emaw i Bank account ah sum kan rawn dah dawn a, i account number min rawn thawn rawh sap, vai, mizo etc pawhin ti mahse i hnena sum thawn ngawtna chhan tur an nei lo tih hriain Police hnenah bawk hriattir rawh.

3. Social Media Facebook etc ah hnamdang mingo, mihang tupawhin present țha tawk pek che an tum thei, hetiang hi dawt a ni. Lo hnial tlat ang che. Present an thawn ngawtna tur chhan che a awm lo tih hriat bawk a țha .

Source:
Economic Times
July 27, 2020
@ 06:01 PM IST

====27==07==20==
Huna Kawlvawm

Post a Comment

0 Comments