• Tunah hian India ram chuan COVID facilities 11,000 chuang leh isolation bed nuai 11 chuang a nei tawh a ni: PM
• PM chuan health infrastructure thar changtlung zawk ruahman bakah thingtlang khua a health infrastructure awmsa tihchangtlung chungchang a sawi lang.
CM-te chuan facility an state chhung a din anih vangin PM hnenah lawmthu an sawi a, feedback te pein dinhmun harsa tak kar a hneh taka ram a hruai avangin PM chu an fak a ni.
July 28, 2020: Prime Minister Pu Narendra Modi chuan nimin khan video conferencing kaltlangin high throughput COVID-19 testing facility pathum a hawng a. Heng facility te hi National Institutes of Indian Council of Medical Research Kolkata, Mumbai leh Noida a awm a ni.
Prime Minister chuan khawpui pathumah hian heng hi-tech testing facilities changkang tak hmang hian nikhat a test theih zat hi 10,000 dawn laia a san tur thusawiin test tih tam anih chuan rang zawk a hrikai hmuhchhuah annih theih dawn bakah enkawlna pawh an dawng hma thei dawn a, hei hian virus darh zel tur venna kawngah nasa takin a pui dawn a ni a ti a. Heng lab-te hi COVID test na atan chauh a hman anih dawnloh thusawiin nakinah chuan Hepatitis B leh C, HIV, Dengue leh natna dang tam tak test na atana hman a ni dawn a ni a ti.
A hun taka thuthlukna awmze nei siam
Prime Minister chuan Sorkarin a hun taka thuthlukna awmze nei a siam avangin ramdangte nena khaikhinin COVID thihpui chungchangah India ram dinhmun a tha zawk a. Damchhuak rate pawh ramdangte aiin a tha zawk a, hemi kawngah hian nitinin hmasawnna hmuh tur a awm a. Tunah hian hrikai dam chhuak tawh hi nuai 10 an tling trep tawh a ni.
Corona bik tana health infrastructure Prime Minister chuan ram chhung a rang taka corona bik tana health infrastructure ruahman chu tihmakmawh anih thusawiin hmalak tan tirh khan sorkar laipui chuan cheng vaibelchhe 15,000 awmna package a puang nghal a ni a ti a. Tunah hian ramchhungah COVID facility 11,000 chuang a awm tawh bakah isolation bed pawh nuai 11 chuang a awm tawh a ni a ti.
January thla khan ram chhungah hian COVID testing centre pakhat chauh a awm a, tunah chuan hetiang lab hi 1300 dawn lai a awm tawh a ni a ti a. Tundinhmunah hian ramchhungah nitin nuai 5 chuang test ziah anih thusawiin kar rei vaklo chhung a nitin nuai 10 test thei tura hmalakna kalpui mek a ni a ti.
India ram chu khawvel a PPE kit siamchhuaktu tam ber dawttu a ni tih sawilangin thla ruk vel chauh kalta kha chuan ramchhungah hian PPE kit siamchhuaktu an awm miah lova, tunah erawh chuan nitin kit nuai 5 chuang siamchhuakin PPE kit siamchhuaktu hi 1200 chuang an awm der tawh a, hemi kawngah hian hmasawnna nasa tak kan nei a ni a ti a. Mask chungchangah pawh ramdang atang a lakluh chu kan innghahna ber anih thin thusawiin tunah chuan kan ram hian nitin N-95 mask nuai 3 chuang kan siamchhuak ziah tawh a, ventilator pawh kum khat chhungin nuai 3 siamchhuak thei dinhmunah kan awm tawh a, medical oxygen cylinder siam lamah pawh nasa takin hma kan sawn a ni a ti a. Hetiang a hmalakna hian nunna a chhanhim bakah India chu laluttu atangin thawnchhuaktu dinhmunah a awmtir a ni a ti.
Thingtlang a hridarh tur veng a hmalak dan sawichhuakin Prime Minister chuan health infrastructure thar din leh ruahman a tul thu a sawi bakah thingtlang khua a health infrastructure facility awmsate chu tihchangtlun a ngaih thu a sawi a ni.
Thawktu lam ruahman belh
Prime Minister chuan physical infrastructure tih changtlun bakah India ram chuan rang taka hriselna lama thawhtu hrang hrang - paramedics, ASHA workers, Anganwadis leh a dangte tiamin hripui leng darh tur ven kawng a thawhhlawk takte lakbelh thuai a tul thu a sawi a. Corona hripui leng beilet a thawktu corona warrior-te hah lutuk tur tawiawm leh pui turin damdawi inenkawlna lama thawktu chawltawh leh lak tharte chu health system a telh chhunzawm a, a remchan ang a chhawr chhunzawm a tul a ni a ti bawk.
Festival/Hunpui laia himtlanna tur
Hri darh thei laka kan him tlanna atan Festival/hunpui laia fimkhur turin mipuite chu a chah lawk a. PM Garib Kalyan Anna Yojna kaltlang a chhawmdawlna chuan mamawhtu miretheite chu a hun takah a thleng thin tur a ni a ti a. A hri danna/vaccine siamchhuah anih hma chuan do gaz doori, mask vuah leh kut silfai thatte chu kan him tlanna atana mimal tinte'n tihdan phung a kan neih chhunzawm tur a ni a ti.
Union Minister Dr.Harsh Vardhan chuan ramchhung hmun tinah COVID test theihna lab a awm tawh thusawiin Union Home Minister leh Delhi Chief Minister-te chu India ram khawpui ber a hridarh tur veng a an thawhho thu a sawi lang a ni.
Chief Minister-te'n thu an sawi
Chief Minister-te chuan testing facility a hawn chungchangah Prime Minister hnenah lawmthu an sawi a. Maharastra Chief Minister Pu Uddhav Thackeray chuan hun harsa tak karah hneh taka ram a hruai avangin Prime Minister chu a fak a. Mumbai a hmalakna 'chase the virus' chungchang sawilangin hrileng enkawlna damdawiin bik din tha nia a hriat thu a sawi a ni.
West Bengal Chief Minister Pi Mamata Banerjee chuan State-te mamawhna hriatpui a inhawng taka a thawhpui avangin Prime Minister hnenah lawm thusawiin hrikai zawnchhuah kawng a hma an lakdante, tele-medicine hman a nih dante leh State chhung a lab awmsa thenkhatte tih changtlun a ngaih thute a sawi a ni.
Uttar Pradesh Chief Minister Pu Yogi Adityanath chuan hrileng do kawng a theihtawp chhuah a a hmalakna avangin Prime Minister hnenah lawmthu a sawi a. Vawiin a lab hawn tharte hian test hun chhung nasa taka a tih tawi tur thusawiin an state chhung a test theih zat tihpun a nih dante leh nitin a antigen test zat pawh tihpun tum a hma an lak dan a sawi a ni.
A bul thum
High-throughput testing facility pathumte hi awmze nei takin ICMR-National Institute of Cancer Prevention and Research, Noida; ICMR-National Institute for Research in Reproductive Health, Mumbai; leh ICMR-National Institute of Cholera and Enteric Diseases, Kolkata ah te din a ni a; nikhat chhungin sample 10,000 chuang test theih a ni dawn a. Heng lab-te hian turn-around-time a tih hniam dawn bakah lab hnathawktute'n bungrua leh an hnathawhna atanga hri an kai tur a veng dawn a. Lab-te hian COVID bakah natna hrik dang pawh an test thei ang a; hripui leng reh hunah Hepatitis B leh C, HIV, Mytomegalovirus, Chlamydia, Neisseria, Dengue leh natna hrik dang enfiahna atan a hman a ni ang.
- PIB Aizawl
• PM chuan health infrastructure thar changtlung zawk ruahman bakah thingtlang khua a health infrastructure awmsa tihchangtlung chungchang a sawi lang.
CM-te chuan facility an state chhung a din anih vangin PM hnenah lawmthu an sawi a, feedback te pein dinhmun harsa tak kar a hneh taka ram a hruai avangin PM chu an fak a ni.
July 28, 2020: Prime Minister Pu Narendra Modi chuan nimin khan video conferencing kaltlangin high throughput COVID-19 testing facility pathum a hawng a. Heng facility te hi National Institutes of Indian Council of Medical Research Kolkata, Mumbai leh Noida a awm a ni.
Prime Minister chuan khawpui pathumah hian heng hi-tech testing facilities changkang tak hmang hian nikhat a test theih zat hi 10,000 dawn laia a san tur thusawiin test tih tam anih chuan rang zawk a hrikai hmuhchhuah annih theih dawn bakah enkawlna pawh an dawng hma thei dawn a, hei hian virus darh zel tur venna kawngah nasa takin a pui dawn a ni a ti a. Heng lab-te hi COVID test na atan chauh a hman anih dawnloh thusawiin nakinah chuan Hepatitis B leh C, HIV, Dengue leh natna dang tam tak test na atana hman a ni dawn a ni a ti.
A hun taka thuthlukna awmze nei siam
Prime Minister chuan Sorkarin a hun taka thuthlukna awmze nei a siam avangin ramdangte nena khaikhinin COVID thihpui chungchangah India ram dinhmun a tha zawk a. Damchhuak rate pawh ramdangte aiin a tha zawk a, hemi kawngah hian nitinin hmasawnna hmuh tur a awm a. Tunah hian hrikai dam chhuak tawh hi nuai 10 an tling trep tawh a ni.
Corona bik tana health infrastructure Prime Minister chuan ram chhung a rang taka corona bik tana health infrastructure ruahman chu tihmakmawh anih thusawiin hmalak tan tirh khan sorkar laipui chuan cheng vaibelchhe 15,000 awmna package a puang nghal a ni a ti a. Tunah hian ramchhungah COVID facility 11,000 chuang a awm tawh bakah isolation bed pawh nuai 11 chuang a awm tawh a ni a ti.
January thla khan ram chhungah hian COVID testing centre pakhat chauh a awm a, tunah chuan hetiang lab hi 1300 dawn lai a awm tawh a ni a ti a. Tundinhmunah hian ramchhungah nitin nuai 5 chuang test ziah anih thusawiin kar rei vaklo chhung a nitin nuai 10 test thei tura hmalakna kalpui mek a ni a ti.
India ram chu khawvel a PPE kit siamchhuaktu tam ber dawttu a ni tih sawilangin thla ruk vel chauh kalta kha chuan ramchhungah hian PPE kit siamchhuaktu an awm miah lova, tunah erawh chuan nitin kit nuai 5 chuang siamchhuakin PPE kit siamchhuaktu hi 1200 chuang an awm der tawh a, hemi kawngah hian hmasawnna nasa tak kan nei a ni a ti a. Mask chungchangah pawh ramdang atang a lakluh chu kan innghahna ber anih thin thusawiin tunah chuan kan ram hian nitin N-95 mask nuai 3 chuang kan siamchhuak ziah tawh a, ventilator pawh kum khat chhungin nuai 3 siamchhuak thei dinhmunah kan awm tawh a, medical oxygen cylinder siam lamah pawh nasa takin hma kan sawn a ni a ti a. Hetiang a hmalakna hian nunna a chhanhim bakah India chu laluttu atangin thawnchhuaktu dinhmunah a awmtir a ni a ti.
Thingtlang a hridarh tur veng a hmalak dan sawichhuakin Prime Minister chuan health infrastructure thar din leh ruahman a tul thu a sawi bakah thingtlang khua a health infrastructure facility awmsate chu tihchangtlun a ngaih thu a sawi a ni.
Thawktu lam ruahman belh
Prime Minister chuan physical infrastructure tih changtlun bakah India ram chuan rang taka hriselna lama thawhtu hrang hrang - paramedics, ASHA workers, Anganwadis leh a dangte tiamin hripui leng darh tur ven kawng a thawhhlawk takte lakbelh thuai a tul thu a sawi a. Corona hripui leng beilet a thawktu corona warrior-te hah lutuk tur tawiawm leh pui turin damdawi inenkawlna lama thawktu chawltawh leh lak tharte chu health system a telh chhunzawm a, a remchan ang a chhawr chhunzawm a tul a ni a ti bawk.
Festival/Hunpui laia himtlanna tur
Hri darh thei laka kan him tlanna atan Festival/hunpui laia fimkhur turin mipuite chu a chah lawk a. PM Garib Kalyan Anna Yojna kaltlang a chhawmdawlna chuan mamawhtu miretheite chu a hun takah a thleng thin tur a ni a ti a. A hri danna/vaccine siamchhuah anih hma chuan do gaz doori, mask vuah leh kut silfai thatte chu kan him tlanna atana mimal tinte'n tihdan phung a kan neih chhunzawm tur a ni a ti.
Union Minister Dr.Harsh Vardhan chuan ramchhung hmun tinah COVID test theihna lab a awm tawh thusawiin Union Home Minister leh Delhi Chief Minister-te chu India ram khawpui ber a hridarh tur veng a an thawhho thu a sawi lang a ni.
Chief Minister-te'n thu an sawi
Chief Minister-te chuan testing facility a hawn chungchangah Prime Minister hnenah lawmthu an sawi a. Maharastra Chief Minister Pu Uddhav Thackeray chuan hun harsa tak karah hneh taka ram a hruai avangin Prime Minister chu a fak a. Mumbai a hmalakna 'chase the virus' chungchang sawilangin hrileng enkawlna damdawiin bik din tha nia a hriat thu a sawi a ni.
West Bengal Chief Minister Pi Mamata Banerjee chuan State-te mamawhna hriatpui a inhawng taka a thawhpui avangin Prime Minister hnenah lawm thusawiin hrikai zawnchhuah kawng a hma an lakdante, tele-medicine hman a nih dante leh State chhung a lab awmsa thenkhatte tih changtlun a ngaih thute a sawi a ni.
Uttar Pradesh Chief Minister Pu Yogi Adityanath chuan hrileng do kawng a theihtawp chhuah a a hmalakna avangin Prime Minister hnenah lawmthu a sawi a. Vawiin a lab hawn tharte hian test hun chhung nasa taka a tih tawi tur thusawiin an state chhung a test theih zat tihpun a nih dante leh nitin a antigen test zat pawh tihpun tum a hma an lak dan a sawi a ni.
A bul thum
High-throughput testing facility pathumte hi awmze nei takin ICMR-National Institute of Cancer Prevention and Research, Noida; ICMR-National Institute for Research in Reproductive Health, Mumbai; leh ICMR-National Institute of Cholera and Enteric Diseases, Kolkata ah te din a ni a; nikhat chhungin sample 10,000 chuang test theih a ni dawn a. Heng lab-te hian turn-around-time a tih hniam dawn bakah lab hnathawktute'n bungrua leh an hnathawhna atanga hri an kai tur a veng dawn a. Lab-te hian COVID bakah natna hrik dang pawh an test thei ang a; hripui leng reh hunah Hepatitis B leh C, HIV, Mytomegalovirus, Chlamydia, Neisseria, Dengue leh natna hrik dang enfiahna atan a hman a ni ang.
- PIB Aizawl
Post a Comment
He post chungchanga i ngaihdan lo sawi ve rawh: