Aizawl | July 7, 2020: Covid-19 chungchanga thuthar ziak tha Journalist Chawimawina dawngtu The Lawngtlai Post Editor legh DDK Lawngtlai stringer Lalbgheta Ralte chu vawiin khan LADC hnuaia Lawngtlai-III bialtu MDC, Pu Lalengmuana'n Chawimawina a dawn lawmpuina leh Chawimawina a hlan.
Pu Lalngheta Ralte Lawmman dawn lawmpuina leh chawimawina hun tawi neih-ah hian Pu T. Lalengmuana, bialtu MDC chuan Pu Lalngheta chu Lawngtlai district tana chawimawi tlak, lawmpui tlak anih zia sawiin rilru leh thinlung taka a lawmpui thu a sawi.
Pu Lalngheta Ralte hi Lawngtlai Electric Veng a khawsa niin, Lawngtlaia DDK stringer anih bakah nitin chanchinbu, The Lawngtlai Post neitu leh editor a ni a; June 23 khan All India Radio, Regional News Unit in India rama Covid-19 chungchanga news ziak tha mi 3 a thlanchhuah zingah telin Chawimawin thuziak leh pawisa fai alo dawng tawh a. Hemi hnu hian Lai Autonomous District Council a Sanitation Department chuan Lawmgtlai khawpui chhung leh Lawngtlai district tana Faina leh Thianghlimna kawng a chanchinbu leh electronic media lama a thawhhlawk/thawhthat avanga chawimawina, thuziak leh pawisa fai an lo hlan tawh bawk.
Bialtu MDC hian Pu Lalngheta Ralte Lawmpuina leh Chawimawina hun a neihna-ah hian a bialchhung a VLTF Member te tan zanriah a buatsaih sak nghal.
Post a Comment
He post chungchanga i ngaihdan lo sawi ve rawh: