Delhi Police training zo te'n thu tiam; Mizo 56 an tel

Aizawl | July 7, 2020: Delhi Police training zo te chuan vawiin tlai khan passing out parade neiin Police atan rinawmna thu an tiam.

Heng Police training zo zingah hian Mizo 56 telin, Mipa 37 leh hmeichhia 19 an ni.

Passing Out Parade hi Delhi police Parade Ground Jharoda Kalan hmun-ah neiin, Hripui karah sorkar dan leh kalphung zawm chungin hun an hmang a ni.

Training te hi kumkhat leh ni 25 vel an training niin thudawnna chuan a sawi a ni.

 Police training zo te hian nu leh pa leh chhungte tel lovin POP hun hi an hmang a. Live telecast in youtube lamah en theihin pek a ni.

Heng training zo zinga tel ve Mizo ṭhalai 56 te hian Delhi Police zawmin Delhi Police peng hrang hrangah an service dawn a ni.