INDIAN RAILWAYS IN CHUAN MAN AȚANGIN RS. 35,000 CRORE HLOH THEI

July 29, 2020: Indian Railways chuan tangka kum kal mek 2020-21 chhung hian Rel chuan man ațanga a hloh zat  Rs 30,000-35,000  tling mai thei dinhmunah a awm mek a ni. Railways hian tangka kum kal mek chhunga hian mihring chuan man ațanga sum a hmuh tum 10-15% chauh a hmu phak mai thei a, nikum chhung khan chuan man ațanginRs 50,000 crore  a hmu tih, Railway Board Chairman Vinod Kumar Yadav chuan nimin Thawhlehni khan a sawi. Hei hi India ram chhunga hri pui lengin a nghawng avanga khualzin phur Rail ten hmun hrang hrang tlawha an dan pangngai anga khualzin an phurh kual theih loh vang a ni.

Hetiang anih avang hian Union Budget 2020-21 chhunga sum hmuhna lama Railways ațanga sum hmuh tur pawhin a phak lo nasa hle a, hetiang tho hian sum hmuhna hlawm lian hrang hrang pawh a kiam nasa hle ang tih hi thil chiang sa a ni.

Tun dinhmunah hian ram chhungah, a bik taka ruahman Rel 230 chauh India ram pumpuiah hna thawk turin an tlan mek a, Rel țhutna luah khah dan pawh   75%  chauh a ni.  "He hri pui hian engtik hunah nge min kiansan dawn tih pawh hi hriat a la nih loh avangin, kan dinhmun hi a țha lo hle mai," tih thu Railways Board Chairman chuan a sawi. Kumin hian  Railways hian bungraw phurh hi a tum lawk ațangin 50% tal chu la phurh chhuah hman  tum a ni tih thu a sawi bawk.

Hetiang anih avang hian Railways hian an hnathawh dan kalphung an her danglam a țul thu a, thawktu zingah hna chan awm lo tura hma lak a ni a, mahse hna ruak awm te erawhchu 50% lai hnawhkhah rih loh tur leh hna thar pawh siam a nih loh phawt tur thu, Director General (HR) Railway Board, Anand S Khati chuan sawiin "Railways thawktu hi a tawk chiah niin ti tlem tura hma lak a ni lo ang," a ti bawk. Railways tih changtlun chhoh mek anih avangin hna thawk laite thiamna thar pek an nih tur thu sawiin Railways chu India ram chhunga hna thawk chhawr hnem ber a nih thu a sawi bawk.

Source :
Business Today
July 28, 2020
@ 22:13 IST

====29==07==20==
Huna Kawlvawm





(A hnuaia fakna hi lo hmet ve rawh.)

Post a Comment

0 Comments