India Ideas Summit-ah Prime Minister in thu sawi; Khawvel economic ngialnghet nei turin ramchhung economic theihna tihchak a ngai a ni: PM

• India chuan khawvel dinhmun siamthatna atan leh kalphung nghet zawk a awm theihna atan 'Aatmanirbhar Bharat' tura sawmna siamin a thawhhlawk hle a ni: PM

India rama invest tur hian tun aia hun tha zawk hi a la awm ngailo: PM

India ramah hian hun tha a in hawng chho mek a ni: PM

India-US thawhdunna hi hripui leng reh hun a indin thar lehna atan a tangkai hle dawn a, hemi kawngah hian mawhphurhna pawimawh tak a nei dawn a ni : PM

July 22, 2020: Prime Minister Pu Narendra Modi chuan vawiin khan India Ideas Summit-ah keynote address a pe a. He Summit hi US-India Business Council (USIBC) in a thleng a. Kumin Summit thupui hi "Building a Better Future" tih a ni.

Prime Minister chuan USINC din champha vawi 45-na a lawmpui thusawiin USIBC chu India-US economic partnership tihhmasawn kawng a an hmalakna leh an hmahruaina avangin lawmthu a hrilh a ni.

Ramchhung economic theihna tichak a khawvel economic ngialnghet zawk a siam

Prime Minister chuan miretheihte leh dinhmun derthawng zawk a awmte hmasawnna agenda a dah pawimawh an tul thusawiin 'khawsak awlsamna' hi 'sumdawn awlsamna'  ang thova pawimawh a ni a ti a. Hripui leng hian harsatna lo thleng thut dawlzo tak khawvel economy ngialnghet kan mamawh zia min hriatchhuah tir a, hei hi ramchhung economy theihna tichak ila kan nei thei dawn a ni a ti. India chuan 'Aatmanirbhar Bharat' tura sawmna leh hmalakna siamin khawvel dinhmun siamthatna atan leh hmasawnna atan a thawhhlawk hle a ni a ti.

India ram hi a in hawn bakah hun tha chuh tur leh duhthlan tur pawh a awm

Prime Minister chuan India ram lakah khawvelin beiseina eng a neih thusawiin a inhawn bakah hun tha chuh tur leh duhthlan tur a nei a ni a ti. Kum ruk kalta chhung khan kan economy hawn zauhbelh tur leh reform lamhawi a hmala turin tan lak thar anih thusawiin hei hian inelnate, hmalakna langtlang zawkte, innovation lama hmasawnna hmang a digitization huang zauh belhte leh ngialnghehna atan a policy tam zawk siamte a ni a ti.

Tunhnai a report tihchhuah sawilangin Prime Minister chuan khawpui a internet hmangtu aiin thingtlangah internet hmangtu an tam zawk a ni a ti a. India ramah hun tha inhawng a tam thusawiin tundinhmunah hian ramchhungah active a internet hmangtu billion zat ve vel an awm a, inbiakhlatna hmangtu hi billion zat ve aia tam deuh an awm bawk a ni a ti a. Frontier technology lam 5G, Big Data analytics, Quantum Computing, Block-chain leh Internet of Things lamah pawh hun tha inhawng a tam thu a sawi a ni.

Sector hrang hrangah invest theihna tur kawng zau takin a inhawng

Prime Minister chuan India ramah hian sector hrang hrangah invest theihna kawng a inhawn thusawiin tunhnai agriculture sector a reform chhinchhiah thlak siam a ni a ti a.  Agriculture inputs leh machinery, agriculture supply chain, food processing sector, fisheries leh organic hmang a tharchhuah lamah te pawh investment tih theihna a inhawn thu a sawi a. India rama healthcare sector chu a than thusawiin kumin tinin 22% aia chakin a thang a, medical-technology, tele-medicine leh diagnostics siamchhuahna lamah pawh India company-te an thang nasa hle a. Tun hun hi India healthcare sector a investment tihlenna hun tha ber a ni a ti.

Prime Minister chuan sector hrang hrang invest na atana thate tarlangin chung zingah chuan energy sector; in sak, kawng siam, highways leh port te tiamin infrastructure siam lamahte; civil aviation lamah pawh private  Indian airlines lian zualte'n kum sawm lo awm tur chhungin thlawhna thar sang chuang neih belh an tum a, hei hian India a manufacturing facility din tumte tan invest na tur kawng a hawn belh dawn a, hei bakah hian Maintenance Repair leh Operation facility kaltlangin a in hawng dawn bawk a ni a ti a. India chuan defence sector ah pawh 74% in  FDI cap ah investment siamna tur a hawnbelh thusawiin defense equipemt leh platform siamna lamah kawng hnih a ruahman a ni a ti a. Hemi atan hian mimal leh foreign investor-te tan special incentives a siam thu bakah space sector ah pawg reform pawimawh leh chhinchhiahthlak a awm thu a tarlang a ni.

Finance leh insurance lama investment siam tura sawmin Prime Minister chuan India in insurance a investment chu 49% a FDI cap atana a tihsan thu leh insurance intermediaties atan FDI chu 100% a investment phalsak annih thu a sawi a. Health, Agriculture business insurance cover leh life insurance lamahte kawng thar nasa taka a inhawn thu a sawi bawk a ni. 

India ramah investment a pung mek

Prime Minister chuan India ram chu World Bank Ease of Doing Business ranking ah a sang chhoh thusawiin kum tinin India chu FDI lamah record siam khawpin a thang a ni a ti a. Kum 2019-20 chhung a India a FDI lut hi dollar billion 74 a ni a, chu chu a kum hmasa lam aia 20% a sang a ni a ti. Hripui len chhung kumin April atang a July thla chhung pawh hian India chuan foreign investment dollar billion 20 chuang a hmu a ni a ti.

India rama invest na hun tha ber a ni

Prime Minister chuan khawvel economic recovery thlan turin India hian theih a neih thusawiin India in hma a sawn chuan ram ngialnghet leh rintlak nena sumdawnna kawng a inhawng tihna a ni a. Khawvel ram hrang hrangte inkara inpawh zawknate, sumdawnna lama inelna awmze nei zawkte leh skilled human resource atanga investment return lama hmasawnna te a awm thei dawn a ni a ti a. USA leh India chu natural partner annih thusawiin he thawhdunna hian hripui leng reh huna rang taka  khawvel a intuaithar leh theihna atan an pawimawhin an thawhhlawk thei hle dawn ani tih thusawiin American investor-te hnenah investment tihna atan India ramah tun aia hun tha hi a awmlo a ni a ti.

- PIB Aizawl

Post a Comment

0 Comments