* Donald Trump Sorkar chuan Chinese diplomat te hnenah Texas khawpui Houston chu Zirtawpni a chhuahsan turin a hriattir. Beijing hian a thung rul ngei ang tih a sawi.
July 22, 2020, Nilaini: United States chuan China chu Houston a an Consulate office chu darkar 72 chhunga khar turin a hriattir. Hei hi China leh US inlaichinna chhe mek belhchhah lehzualtu a ni ngei ang. China hian he thu a hriat rual hian thungrulh ngei a tum thu leh dan kalh anih thu a sawi nghal a ni.
US State Department thu chhuahin a sawi dan chuan Consulate office kharsak anih chhan hi China in vawi duai lo tualchhung dan a bawh chhiatna thungrulhna a ni a, pawi tam tak an khawih bakah an tih tur lam ti loa an tih loh tur zawk tih chakna hlira an khat a, chuti lam tia an chet fo vang a ni a, chung zingah chuan “namen lo taka dan kalha enthlakna hna an kalpui hi a ni".
Tun țuma Trump-a Sorkar thu tlukna ang chi hi, thu remruatna huaisen tak leh thleng khat tak a ni. China leh US inlaichinna chhe mek chu he thil thleng hian a ti punlunin Chinese ram aiawh a palaite, chanchinbu mi te, zirlaite dinhmun dan chep tial tialna a ni. Coronavirus pandemic vanga ram pahnihte inkara inhmuh thiam lohna thuk tak a awm mek laiin hei hian an inkar boruak chhe mek chu eng tiang takin nge a chhem alh thar zel ang tih hi sawi mai theih a la ni lo.
Hnawh chhuahna leh khapna thu pek hian ken tel leh fawmkem a ngah hle a, Cold War hun laia an lo tih țhin tawh ang, ram palaite an zin chhuaha an tih tur tuksak leh tih loh tur dan zawm tur te, China ram pawl thar te (new organisations) te pawh ram palai hna thawk anga inziaklut vek tura tih an ni. Sorkar thu pek zingah hian Communist Party hruaitu te leh an chhungte zin luh khapna pawh a tel a ni. He thu pek hi dan anga pawmzui anih chuan Chinese mi 270 million te a nghawng buai hle dawn a, sawisel leh do pawh a engamah hmain a hlawh nghal hle a ni.
State Department thu puangtu, Morgan Ortagus-i chuan United States in Chinese Consulate a kharsak hian a entir chu, United States hian China "awmdan leh nunphung chhe lutuk leh kawhmawh bawl zawng hlira a chetna" hi dawh reng a tum lo a,a dawh theihna a tawp a, a ngai thei ngang tawh lo a ni, tih thu a sawi.
“The People’s Republic of China hian United States ram pumpui chhungah hian huangtau leh inthlahrung hauh loin dan phal lohin kum tam tak chhung United States Sorkar leh mimal enthlakna leh ruk rûk tur zawngin an khawsa a ni, tih thu” Ms. Ortagus chuan sawiin politics lam rawngkai deuh hlekin a sawi a ni.
A sawi zel dan chuan " he hma lakna hian America ramin thil chi hrang hrang a siam thiamna, technology hrang hrang ' intellectual property venhimna' tur leh mimal thuruk vawnhimna tur a ni", a ti.
Chipchiar takin thil nih phung sawi vek lo mahse America hian China hi an thiamna thuruk tam tak ru chhuak tawh leh ruk belhchhah zel tumah a puh reng a,China in heng thiamna ruk chhuah a tum zingah hian ralthuam siam dan thuruk leh sipai thuruk te bakah sum dawnna chungchanga a thuruk te chu ruk chhuah an tum nasat leh an hel ngawrh ber a ni a, Beijing chuan hei hi a pha nasa hle thung a ni. Justice Department in Thawhlehnia a sawi dan chuan Chinese hacker pahnihin US ramin coronavirus vaccine an siam dan thuruk thiamna zawng zawng zawng chu ruk chhuah ngei an tum tih hriat a ni.
Wang Wenbin, Chinese, Ministry Foreign Affairs thu puangtu chuan United States chu chawp leh chilha an thu tlukna sut turin a ti. "Hetiang hi a nih loh vaih chuan China hi a ngawi mai mai lo ang, țul a tih angin a thungrul ngei ngei ang," a ti. A sawi zel danin a nep berah China hian China rama U.S. Consulate chu a khar ang, a ti bawk.
US Sorkarin he thu pek vawiin Nilaini (an tan Thawhlehni) a chhuah hnu darkar rei lo teah Houston a Chinese Consulate office tualah mei khu hmuh a ni a, hei hi Consulate office kharna thu pek hi thir bawm chhungah engemaw dang nen an hal a ngaih theih a ni. Tualchhung television station KPRC-TV in video thlalak a tih chhuah chuan a tar lang.
Police & fire departments te chuan he thil kang report hi an bawhzui ngei a, mahse Consulate hung chhung chu an lut lo, a chhan pawh an hung chhung hi China Sorkar thu neihna a nih vang a ni.
Hetiang thiI a thlen mek lai hian Beijing lamah chuan, Sorkar aiawha thu puangtu Mr. Wang chuan he thil hi beisei loh thil anih thu international law kalh tlat anih thu a sawi a, an thil tih hi midang awpbeh leh neksawr chakna leh duhna thar ber a nih thu a sawi.
“Hun engemaw chen ațang tawh khan United States Sorkar hian China hi puh chhiatna leh sawiselna chitin rengin a bei tawh a, China chu thil chhe chi tinreng belin a sawisel a, a deusawh nasa hle a, China ram vantlang nunphung te pawh a sawisel nasa hle a, hei mai bakah hian an ram chhunga China palaite pawh awm nuam lo khawpin an zar buai a, Chinese zirlai awmte thil eng engemaw an dawpin an zawt a, a chang leh an man a, an thil neih electronic device te an tih chhiatsak a, Chinese palaite pawhin tun hnai khan thi tura vauna te, bomb te an dawng a ni a ti.
US Secretary of state Mike Pompeo chuan Denmark rama a zinna Copenhagen-ah Press conference ah thu sawi in China ram khua leh tui te hian Intellectual property hi a theih dan kawng apiangin an ru chhuak a, hei hi kan harsatna tawh chhan ber chu a ni, a ti. "Chinese Communist Party chunga beisei dan chiang tak hi kan nei a, an awm dan tura duh dan kan nei a, kan beisei anga an awm duh lo anih ngat chuan America hian a khua leh tui te himna tur te, ram chhung himna tur te, a ram pumpui himna atan te, ram chhung sum leh pai leh hna thlengin kan venghim tlat ang", a ti.
David R. Stelwell, Assistant Secretary for east Asia and Pacific chuan Nilaini zing hian amah kawmtu thu thar thehdarhtute hnena a sawi dan chuan "hetiang thil bawlhlawh hi an tih zel lohna turin a takin hma kan la a ni, " a ti. A bulpui leh a irhchhuahna (epicentre) chu PRC Mission consulate, Houston hi a ni a, he hmun ațanga hian nungchang mawi lo leh kutkem neia chetna pawh an sulhnu chhui kirin a awm fo tawh a ni, a ti bawk.
Houston a Chinese Consul General leh diplomat pahnihte chu hmanni mai khan George Bush International Airport ah security check area chhungah rinhlelhawm takin an khawsa a, Coronavirus avang thlawhna pangngai hmanga China rama haw theih a ni lo a,Chinese țhenkhatin hemi vang hian thlawhna man chawi a hman (chartered flight) a ni a, hemi te thlah țum hian an che chukchu viau lai chu security camera in a lo man a ni.
Chinese Embassy, Washington ami chu email hmangin thil ruk an chin dan (scientific theft) chungchang zawhna chu a chhang lo.
Nikum December thla khan US security te chuan Chinese mi cancer natna US rama zir chiang tura kal (researcher) Zaosong Zheng chu Boston International Airport ah berhbu (damdawi bur) 21 nen an man a, US thiamna China ramah heng berhbu 21 hmang hian paipawn chhoh a tumna a ni.
Chang Xiaohe, Associate professor, Renmin University, Beijing, School of International studies a thawk chuan ram pahnihte inpalai tawn January 1,1979 ațang khan hetiang taka hma lakna huaisen hian US hian hma a la la ngai lo a, inlaichinna chhe chho zel hi tih tawp a tuam dam anih loh chuan eng thil nge lo thleng zel ang tih hi ngaihtuahawm tak a nih thu a sawi.
Chinese Communist Party thu hnuaia awm leh an thunun The Global Times chanchinbu Editor Hu Xijin chuan America thil tih dan chu dan bawh chhiatna nasa tak leh thinurthlak tak a ni, hun rei lo te chhung darkar 72 chhung lek inchinfelna hun inpek hi a awm lo tak zet a ni a ti. "Hei hi mangan thil tih a ni" tih thu Chinese Social media Weibo ah a ziak bawk.
Beijing hian US thil tih chhanna tur hian US Consulate Wuhan emaw Hong Kong emaw zawk chu China duh loh zawng thil ti țhinte țanpuia puhin a khar ve ngei rin a ni.
Eng thil nge thleng zel dawn i lo thlir zel phawt ang u.
Source :
New York Times
July 22, 2020
@ 8:45 AM ET
Times of India
July 22, 2020
@ 18:00 IST
====22==07==20==
Huna Kawlvawm
July 22, 2020, Nilaini: United States chuan China chu Houston a an Consulate office chu darkar 72 chhunga khar turin a hriattir. Hei hi China leh US inlaichinna chhe mek belhchhah lehzualtu a ni ngei ang. China hian he thu a hriat rual hian thungrulh ngei a tum thu leh dan kalh anih thu a sawi nghal a ni.
US State Department thu chhuahin a sawi dan chuan Consulate office kharsak anih chhan hi China in vawi duai lo tualchhung dan a bawh chhiatna thungrulhna a ni a, pawi tam tak an khawih bakah an tih tur lam ti loa an tih loh tur zawk tih chakna hlira an khat a, chuti lam tia an chet fo vang a ni a, chung zingah chuan “namen lo taka dan kalha enthlakna hna an kalpui hi a ni".
Tun țuma Trump-a Sorkar thu tlukna ang chi hi, thu remruatna huaisen tak leh thleng khat tak a ni. China leh US inlaichinna chhe mek chu he thil thleng hian a ti punlunin Chinese ram aiawh a palaite, chanchinbu mi te, zirlaite dinhmun dan chep tial tialna a ni. Coronavirus pandemic vanga ram pahnihte inkara inhmuh thiam lohna thuk tak a awm mek laiin hei hian an inkar boruak chhe mek chu eng tiang takin nge a chhem alh thar zel ang tih hi sawi mai theih a la ni lo.
Hnawh chhuahna leh khapna thu pek hian ken tel leh fawmkem a ngah hle a, Cold War hun laia an lo tih țhin tawh ang, ram palaite an zin chhuaha an tih tur tuksak leh tih loh tur dan zawm tur te, China ram pawl thar te (new organisations) te pawh ram palai hna thawk anga inziaklut vek tura tih an ni. Sorkar thu pek zingah hian Communist Party hruaitu te leh an chhungte zin luh khapna pawh a tel a ni. He thu pek hi dan anga pawmzui anih chuan Chinese mi 270 million te a nghawng buai hle dawn a, sawisel leh do pawh a engamah hmain a hlawh nghal hle a ni.
State Department thu puangtu, Morgan Ortagus-i chuan United States in Chinese Consulate a kharsak hian a entir chu, United States hian China "awmdan leh nunphung chhe lutuk leh kawhmawh bawl zawng hlira a chetna" hi dawh reng a tum lo a,a dawh theihna a tawp a, a ngai thei ngang tawh lo a ni, tih thu a sawi.
“The People’s Republic of China hian United States ram pumpui chhungah hian huangtau leh inthlahrung hauh loin dan phal lohin kum tam tak chhung United States Sorkar leh mimal enthlakna leh ruk rûk tur zawngin an khawsa a ni, tih thu” Ms. Ortagus chuan sawiin politics lam rawngkai deuh hlekin a sawi a ni.
A sawi zel dan chuan " he hma lakna hian America ramin thil chi hrang hrang a siam thiamna, technology hrang hrang ' intellectual property venhimna' tur leh mimal thuruk vawnhimna tur a ni", a ti.
Chipchiar takin thil nih phung sawi vek lo mahse America hian China hi an thiamna thuruk tam tak ru chhuak tawh leh ruk belhchhah zel tumah a puh reng a,China in heng thiamna ruk chhuah a tum zingah hian ralthuam siam dan thuruk leh sipai thuruk te bakah sum dawnna chungchanga a thuruk te chu ruk chhuah an tum nasat leh an hel ngawrh ber a ni a, Beijing chuan hei hi a pha nasa hle thung a ni. Justice Department in Thawhlehnia a sawi dan chuan Chinese hacker pahnihin US ramin coronavirus vaccine an siam dan thuruk thiamna zawng zawng zawng chu ruk chhuah ngei an tum tih hriat a ni.
Wang Wenbin, Chinese, Ministry Foreign Affairs thu puangtu chuan United States chu chawp leh chilha an thu tlukna sut turin a ti. "Hetiang hi a nih loh vaih chuan China hi a ngawi mai mai lo ang, țul a tih angin a thungrul ngei ngei ang," a ti. A sawi zel danin a nep berah China hian China rama U.S. Consulate chu a khar ang, a ti bawk.
US Sorkarin he thu pek vawiin Nilaini (an tan Thawhlehni) a chhuah hnu darkar rei lo teah Houston a Chinese Consulate office tualah mei khu hmuh a ni a, hei hi Consulate office kharna thu pek hi thir bawm chhungah engemaw dang nen an hal a ngaih theih a ni. Tualchhung television station KPRC-TV in video thlalak a tih chhuah chuan a tar lang.
Police & fire departments te chuan he thil kang report hi an bawhzui ngei a, mahse Consulate hung chhung chu an lut lo, a chhan pawh an hung chhung hi China Sorkar thu neihna a nih vang a ni.
Hetiang thiI a thlen mek lai hian Beijing lamah chuan, Sorkar aiawha thu puangtu Mr. Wang chuan he thil hi beisei loh thil anih thu international law kalh tlat anih thu a sawi a, an thil tih hi midang awpbeh leh neksawr chakna leh duhna thar ber a nih thu a sawi.
“Hun engemaw chen ațang tawh khan United States Sorkar hian China hi puh chhiatna leh sawiselna chitin rengin a bei tawh a, China chu thil chhe chi tinreng belin a sawisel a, a deusawh nasa hle a, China ram vantlang nunphung te pawh a sawisel nasa hle a, hei mai bakah hian an ram chhunga China palaite pawh awm nuam lo khawpin an zar buai a, Chinese zirlai awmte thil eng engemaw an dawpin an zawt a, a chang leh an man a, an thil neih electronic device te an tih chhiatsak a, Chinese palaite pawhin tun hnai khan thi tura vauna te, bomb te an dawng a ni a ti.
US Secretary of state Mike Pompeo chuan Denmark rama a zinna Copenhagen-ah Press conference ah thu sawi in China ram khua leh tui te hian Intellectual property hi a theih dan kawng apiangin an ru chhuak a, hei hi kan harsatna tawh chhan ber chu a ni, a ti. "Chinese Communist Party chunga beisei dan chiang tak hi kan nei a, an awm dan tura duh dan kan nei a, kan beisei anga an awm duh lo anih ngat chuan America hian a khua leh tui te himna tur te, ram chhung himna tur te, a ram pumpui himna atan te, ram chhung sum leh pai leh hna thlengin kan venghim tlat ang", a ti.
David R. Stelwell, Assistant Secretary for east Asia and Pacific chuan Nilaini zing hian amah kawmtu thu thar thehdarhtute hnena a sawi dan chuan "hetiang thil bawlhlawh hi an tih zel lohna turin a takin hma kan la a ni, " a ti. A bulpui leh a irhchhuahna (epicentre) chu PRC Mission consulate, Houston hi a ni a, he hmun ațanga hian nungchang mawi lo leh kutkem neia chetna pawh an sulhnu chhui kirin a awm fo tawh a ni, a ti bawk.
Houston a Chinese Consul General leh diplomat pahnihte chu hmanni mai khan George Bush International Airport ah security check area chhungah rinhlelhawm takin an khawsa a, Coronavirus avang thlawhna pangngai hmanga China rama haw theih a ni lo a,Chinese țhenkhatin hemi vang hian thlawhna man chawi a hman (chartered flight) a ni a, hemi te thlah țum hian an che chukchu viau lai chu security camera in a lo man a ni.
Chinese Embassy, Washington ami chu email hmangin thil ruk an chin dan (scientific theft) chungchang zawhna chu a chhang lo.
Nikum December thla khan US security te chuan Chinese mi cancer natna US rama zir chiang tura kal (researcher) Zaosong Zheng chu Boston International Airport ah berhbu (damdawi bur) 21 nen an man a, US thiamna China ramah heng berhbu 21 hmang hian paipawn chhoh a tumna a ni.
Chang Xiaohe, Associate professor, Renmin University, Beijing, School of International studies a thawk chuan ram pahnihte inpalai tawn January 1,1979 ațang khan hetiang taka hma lakna huaisen hian US hian hma a la la ngai lo a, inlaichinna chhe chho zel hi tih tawp a tuam dam anih loh chuan eng thil nge lo thleng zel ang tih hi ngaihtuahawm tak a nih thu a sawi.
Chinese Communist Party thu hnuaia awm leh an thunun The Global Times chanchinbu Editor Hu Xijin chuan America thil tih dan chu dan bawh chhiatna nasa tak leh thinurthlak tak a ni, hun rei lo te chhung darkar 72 chhung lek inchinfelna hun inpek hi a awm lo tak zet a ni a ti. "Hei hi mangan thil tih a ni" tih thu Chinese Social media Weibo ah a ziak bawk.
Beijing hian US thil tih chhanna tur hian US Consulate Wuhan emaw Hong Kong emaw zawk chu China duh loh zawng thil ti țhinte țanpuia puhin a khar ve ngei rin a ni.
Eng thil nge thleng zel dawn i lo thlir zel phawt ang u.
Source :
New York Times
July 22, 2020
@ 8:45 AM ET
Times of India
July 22, 2020
@ 18:00 IST
====22==07==20==
Huna Kawlvawm
Post a Comment
He post chungchanga i ngaihdan lo sawi ve rawh: