COVID-19: Positive thar 5 hmuhbelh a ni

Aizawl | July 17, 2020: Nimin khan ZMC laboratory-ah swab sample 248 test niin heng zinga 243 a negative a, positive thar 5 hmuhbelh a ni thung.

ZMC laboratory-a COVID-19 positive thar hmuhbelh te hi Mizo vek an ni a, mipa 4 leh hmeichhia 1 niin, kum 20 - 39 inkar an ni a. Aizawl district ami 3 leh Serchhip district ami 2 an ni. Karnataka, Uttar Pradesh, Bihar, Nagaland leh Tripura atanga lo haw te an ni. An vai hian quarantine facility a awm an ni a, symptoms nei an awm rihlo.

Nimin vek khan Lunglei Civil Hospital TrueNAT laboratory ah swab sample 23 test a ni a, sample test te hi an vaiin repeat sample (sample test nawn) vek an ni a. An zingah hian positive samples tuna  SIRD, Pukpui Covid Care Centre a awm mek BSF 12 telin 9 an negative a, mi pathum an la positive a ni.

Midang positive contact repeat test 11 te pawh an vaiin an negative vek bawk.

ZMC Laboratory-a District hrang hrang sample test zat (16th July, 2020)

Aizawl          - 117 (Mipa - 66, Hmeichhia - 51)
Siaha            - 1    (Hmeichhia)
Champhai    - 3    (Mipa - 2, Hmeichhia - 1)
Kolasib          - 94  (Mipa - 56, Hmeichhia - 38)
Serchhip        - 12  (Mipa - 10, Hmeichhia - 2)
Lawmgtlai    - 2    (Mipa ve ve)
Assam          - 19  (Mipa vek)

TOTAL        - 248 (Mipa - 155, Hmeichhia - 93)

- DIPR

Post a Comment

0 Comments