July 26, 2020: Bengaluru khawpuiah mi 3,000 chuang Covid-19 hri kai tih hriat chian leh finfiah ngeite chu an awmna chin hriat lohin an bo a, thu neituten an awmna chin an chhui thei lo. "He natna darh ațanga tun thleng hian mi 3,338 te laboratory a an sample test naa hri an kai tih finfiah ngei te chu an awmna chin hriat theih lohin an awm a, heng mite zawn hna hi kan thawk mek a ni,” BBMP commissioner N Manjunath Prasad chuan Times of India a hrilh a, heng mite hian laboratory ah hian an hming, an address dik lo an sawi tih thu a sawi tel bawk a ni.
Nimin Inrinni khan Karnataka hian darkar 24 chhungin hri kai hmuh chhuah thar 5,072 an nei a, thi 72 an neih belh leh bawk a, thi zat hi Karnataka ah hian 1,796 an tling ta a ni.
Karnataka Health and Family Welfare Department report in a tar lan dan chuan hri kai hmuh chhuah thar 5,072 nen positive cases 90,942 an tling tawh a, hri vei mek 55,638 an ni.
Hri kai thar hi tam zualna te chu, Bengaluru Urban — 2,036, Belagavi 341, Ballari 222, Dakshina Kannada 218 ah te an awm a, State capital hian thi 29 a neih belh bawk. Bengaluru hian hri kai 43,503 nei tawhin 31,882 te chu hri vei mek an ni a, hri la vei hi 73% an ni.
Inrinni a thi te hi kum 55 chung lam, thawkna lama harsatna hrang hrang ( influenza-like illness (ILI) leh severe acute respiratory infection (SARI) nei an ni . Karnataka ah hian darkar 24 kal ta chhungin enkawl dam 2,403 an nei a, dam zat 33,750 an tling tawh a ni.
Source :
Times of India
July 26, 2020
@ 12:42 IST
====26==07==20==
Huna Kawlvawm
Post a Comment
He post chungchanga i ngaihdan lo sawi ve rawh: