BSF IN VANHNE RAMAH QUARANTINE CENTRE AN NEI TIH LUNGLEI DEPUTY COMMISSIONER LEH CHIEF MEDICAL OFFICER, LUNGLEI AN HRIATTIR LO

131 BN BSF SIPAI PAHNIH COVID-19 VEI HMUHCHHUAHTE DOLCHERA (ASSAM) ATANGA LOKAL, JUNE NI 25 A LO THLENG, TRANSIT CAMP, VANHNE RAMA AWM AN NI A, CONTACT AN NEI LO NIA HRIAT A NI.

Lunglei | July 5, 2020: Nimin- a Lunglei Civil Hospital in covid-19 vei a hmuhchhuah, 13Bn BSF sipai pahnih te chu Assam statea Dolcherra khuaa ni 10 khunghran tawh, Dolcherra-ah an swab sample test result negative tawh hnua Lunglei lo pan, June ni 25 2020-a Lunglei lo thleng, Vanhne rama BSF Transit Camp a awmte an ni a. He hmuna an awm lai hian Covid-19 symptom anmahniah a lan avanga Lunglei Civil Hospital-a inentir tura hruai niin, Civil Hospital Screening Point-ah rinhleh an nih avanga an hruai hran, an sample test Positive ta te an ni.

Zonet JB in thu a dawn danin, June Ni 24 khan Dolcherra atangin BSF sipai mi 13 ten, Batallion motorin lunglei an pan a, Tuirialah zan riakin, June ni 25 zingah Lunglei panin an lo chhuak a, Civil mi nen contact nei lovin Vanhne rama BSF Transit Camp ah an lut nghal a ni. 

He hmunah hian BSF Batallion hrang hrang atanga kal khawm mi 21 thleng khawmin, a hmun nghak Duty mi 6 te nen an vaiin mi 27 an awm a. Hmun hrang hrang atanga kal khawm an nih avangin, a hmun nghak mi 6 te chu kawng ânah awmin, Hmun dang atanga sipai thleng khawmte chu Inchhawng khatna leh chhawng hnihnaah te an awm niin Zonet JB thudawnna chuan a sawi. 

BSF Transit Campah ni 7 an awm hnuin sipai pahnihte hian nawm sam lohna an neih avangin Lunglei Cilvil Hospitalah inentir tura hruai an ni a. Kan thudawnna in a sawi danin Sipaite hi an fimkhur hle a, Inentir tur pawhin 407 Truck hnungah dam lote chuangin, Driver pakhatin a phur niin kan thudawnna chuan a sawi. Kawng lakah thil an lei nia sawi chungchangah Zonet JB zawhna chhangin, 407 Driver chuan Tlabung pengah Sangha a lei tih hriat a ni a. Hetah hian dam lote hi an chhuk lo niin sawi a ni. 

Dr SR Ngurchamliana, Medical Superintendent, Lunglei Civil Hospital chuan Zonet JB Zawhna chhangin, Heng sipai pahnihte hi Hospital OPD an thlen hmain, Screening Point ah rinhlelh nghal an nih thu a sawi a. Screening Point ah rinhleh an nih avangin Sample laksak turin hruai hran nghal an nih thu a sawi. Dr Chama chuan mipui tan chiaina tur a awm lo tih sawiin, An chettlatna hmun zawng zawng disinfactant a tihthianghlim nghal vek a nih thu Zonet JB a hrilh. 

Hetih lai hian Zonet JB zawhna chhangin Lunglei Deputy Commissioner Office chuan Vanhne ramah BSF ten Quarantine Centre an siam tih BSF thuneituten Lunglei DC an hriattir lo tih an sawi a, Dan in a phut angin State pawn atanga lo haw, dah hran an awm tih Lunglei DC hriattir a ni lo tih an sawi bawk. 
Chief Medical Officer Office Lungleia Senior Medical Officer pawhin BSF te hian Vanhne ramah Quarantine Centre an neih thu leh, Quarantine lai an neih thu engmah District thuneitute an hriattir lo tih Zonet JB hrilhin, Information an dawn loh avanga an Swab Sample la lo an nih thu zonet JB a hrilh a. SMO chuan Lungleia Assam Riffles leh BSF te hnenah Guidelines engkim pek vek an nih thu sawiin, Guidelines anga an kal loh chhan a hriat loh thu a sawi a. Sipai an nih avangin, Civil Administration lamin an chungah thuneih a harsat thu a sawi bawk a. Assam Riffles lam chuan chhuti haw emaw, a huhoa sipai lo haw an neih chuan DC hriattirin, Medical Team kan intir thin tiin SMO hian Zonet JB a hrilh a ni. 

CMO Office atanga Zonet JB in thu a dawn danin, Vawiin khan Medical team te chuan Vanhne rama BSF Transit Camp ah mi 25 la awmte Swab Sample lak a ni a, Sample 25 lakte hi Naktukah Result a chhuak hman angem tih sawi theih a ni lova, Thawhtanni emaw Thawhlehni ah Result a chhuah theih beisei a ni. 

Tun dinhmunah Dam lo pahnihte hi Dedicated Covid Care Centre ah dah luh an ni tawh a, BSF Transit Camp awmna bul Sazaikawn VLTF te chuan, Tuna Transit Camp a awmte chu chaw an inpek dawn pawhin, anmahni kaltlang chauha inpe tur leh, a chhunga awmte, kawtkaia chhuak lo turin an hriattir tih Zonet JB palai an hrilh a ni. 

- Zonet JB News
5th July 2020
Pathianni

Post a Comment

He post chungchanga i ngaihdan lo sawi ve rawh:

Previous Post Next Post