BEL in Aizawl Smart City Project chungchang a sawifiah

Aizawl | July 6, 2020: Bharat Electronics Limited (BEL) chuan ICCC hmalakna hnuaia Aizawl Smart City Project changin hma a la chho mek a.  ZMP,  Secretary hminga Press Release tih chhuah vide Memo No. ZPM-01/22/'20-21/42, dated 3rd July, 2020 chuan thubelhchian dawllo leh diklo a sawi a. Hemi chungchangah hian BEL chuan Aizawl Smart City Ltd (ASCL) atan a Intregrated Command & Control Centre (ICCC) program kalpui mek dan hi a sawifiah.

BEL chanchin:

Bharat Electronics Limited (BEL) hi Ministry of Defence, Government of India hnuai a Navratna Company a ni a. Kumi 2019-20 chhung khan sum chevel cheng vaibelchhe 12,608 neiin Radars, Missile systems, Military Communications, Naval Systems, Electronic Warfare & Avionics, Command & Control Systems, Electro Optics, Tank Electronics & Gun / Weapon System upgrades, Homeland Security solutions, Electronic Voting Machines, Smart City Solutions, Medical Electronics (Ventilators, X-Ray Machines leh a dangte) leh IT leh Software service ah te  electronics bungraw chi hrang hrang design, duanchhuah, siamchhuah, supply leh support  lamte zau takin a thawk a ni.

BEL hi CMM Level 5 company, software development lama theihna sang tak nei Indian Armed Forces leh Sorkar department dang tana ICT project khirhkhan tak tak lo thawhsak tawh thin a ni a.  Critical project hrang hrangah BEL hian Command and Control, Video Management, Access Control leh software application dangah te theihna ropui tak a lo lanchhuah tir tawh thin a ni.

Smart/Safe City Projects a BEL in tawnhriat a lo neih tawh dan:
BEL hian kum 2017 khan Homeland Security leh Smart City lam hi a luhchilh a. Hmasawnna liantham tak changin cheng vaibelchhe 6,000 vel hu sumdawnna a hmu a (80% chu inelna hmang a a hmuh a ni). BEL in program liantham a hmuh zingah hian Belagavi, Agra leh Hmarchhak biala khawpui hrang hrang Itanagar, Pasighat, Namchi, Gangtok, Kohima, Imphal leh Aizawl a Smart City project hnate; Delhi CCTV Project-te, Indian Defenve Forces tana Surveillance Project-te an tel a ni.

Belagavi leh Agra te hi BEL-in Smart City Project a hmuh hmasakte an ni a, tunah hian hna hi zawhfel tep tawh niin final stage ah an awm tawh a. Hnathawhna atana infrastructure support mamawh ang hmuh a nihloh avangin hna kallaiin a khawtlai phah a. Anmahni ruaitute nena inpawhtlang taka thawkin BEL hian project zo fel thuai turin hma a la mek a. Belagavi leh Agra a Command and Control Centre-te hian hna an thawk ve ve tawh a, tundinhmunah hian City  Administration a thuneitute chuan COVID-19 hripui leng dona atana War Room angin an hmang mek a ni.

Gangtok, Pasighat, Itanagar, Kohima leh Imphal-a ICCC hmalaknate chu ruahman angin a kal mek zel a, soft launch atan peih an ni tawh a. Namchi project erawh supporting infrastructure awm loh vangin tihkhawtlai a ni a. Tunhnai khan building space in hlan fel anih tak avangin project hi pangngai a kalpui chhunzawm leh theih a ni ta a, zawhfel thuai beisei a ni.

Delhi CCTV Phase 1 Project hi ram chhung a la tih ngailoh ang a kalpui a ni a, Delhi a Resident Welfare Associations (RWA-te) leh Market hmun hrang hrangah te camera nuai 1 (khat) chuang install a ni a. BEL in camera a install te hi Delhi Administration leh Law Enforcement agency-te chuan an hmang tangkai mek a. Phase 1 program hnuaia camera nuai 1.3 vel install zawh fel tawhna certificate chu Delhi PWD chuan pechhuak turin a buaipui mek a. BEL hi fine chawi tir a ni lova. BEL lakah Delhi PWD chuan rinna nghatin CCTV Phase II program pawh BEL hnenah hian hlan lehin Camera nuai 1.4 dang install leh turin hmalakna an kalpui leh dawn a ni.

Assam leh Meghalaya smart city project-te chu hmalak tan chhoh mek a ni a. ICCC project kalpui tur hian BEL hian Guwahati leh Shillong a thuneitute  a thawhpui mek a mahse tundinhmunah erawh thuthlukna mumal siam a la awm lo thung.

Aizawl Smart City Project:

Ministry of Housing & Urban Affairs, Government of India in rawtna a siam angin Aizawl Smart City Limited (ASCL) chuan MoU a ziak a, hemi hnu hian Aizawl khawpui a 'Implementation of Integrated Command and Control Centre (ICCC)' kalpuina atan BEL chu inremna a ziahpui leh. May 2019 atang khan BEL hian Aizawl a stakeholder-te chu mamawh tur leh hmalakna tha ber tur ngaituahin a lo thawhpui tan tawh a; Department of Urban Development kaihhruaina hnuaiah BEL hian ASCL CEO leh a team-te ( ASCL Project Management Consultant support na hnuaia Technical Committee on ICCC te) chu inpawh tlang takin tum engemawzat inbiakna a lo neihpui tawh a. Ruahmanna duanchhuah pawh insenso tur atanga chhut a a tha ber tur leh rintlak tak tur a ni.

Smart City Project kalpui tur hian stakeholder hrang hrangte mamawhna hriatthiampuite, design, architecture leh technology changtlung leh tha thei ang ber hmang a mamawhna hrang hrang hrut rual thei ber tur ngaihtuah chhuahte a keng tel vek a ni.

BEL hi he project atan hian Master System Integrator (MSI) a ni a, system design leh architecture, project monitoring leh communication on Intergrated Smart City application solutions te hmain a buaipui dawn a. Project pumpui hi BEL technical team supervision hnuaia kalpui a ni ang a. BEL hi MSI anih avangin BEL hian contract Service- Level Agreements (SLA) kalphung a zawm a ngai a, Go-Live hnuah pawh kum 5 chhung chu Operation & Maintenance a buaipui chhunzawm dawn a. A hna a taka kalpui piahlamah hian MSI lamah pawh hian insensona tur tam tak a awm a ni.

BEL hian project hnuaia a hna penhleh thenkhat hi System integrator changtlung leh hmingtha hnenah outsource turin ruahmanna a siam a. BEL hian ATCS-te, Smart City platform leh sensor network-te integrate-te leh technical hnathawktu lakkhawm te tiamin hna dang zawng chu a thawk dawn a. Hemi kaihhnawihah hian Aizawl khawpui a Smart city solutions hna thawhpui tur zawnna atan RFP hi tihchhuah a ni.

BEL hian OEM-te/Vendor-te thlanna atan hian kalphung mumal tak a siam a. Kalphung hi CVC leh Sorkar laipui agency dangte inkaihhruaina siam hrang hrang zau taka rawn chhung a siam a ni a. BEL kalphung siam leh State sorkarin rawtna a pek angin Aizawl Smart City atan a thawhpui tur hi inelna thianghlim tak hmangin tihbik nei lo leh langtlang taka kalpui a ni ang.

Chinese products hman chungchanga inpuhmawhna thuah chuan BEL hian China leh India inkara boruak awm mek leh Sorkar Laipui hmalakna thlir chungin BEL hian OEM changtlung leh rintlak te hnen atang chauhin product leh solution a hmangin a la dawn a ni.

BEL hian State sorkar rawn angin hun tiam chhung a project quality sang tak pe chhuak thei tur Project team rintlak tak a thlang fel tawh a. Stakeholder zawng zawngte beiseina tipuitling a  product tha ber leh solution rintlak tak neih a nih theihna atan uluk taka hmalakna kal pui a ni.