Aizawl | July 02, 2020: USA Democratic presidential candidate leh Vice President hlui Joe Biden chuan November thla a President inthlanah hian ka chak phawt chuan 'țhian hlun' India ram nen kan inkungkaihna hi kan ti chakin kan ti țha sawt ang a, chu chu ka Sorkarin a ngaih pawimawh hmasak tur pawh a ni ang tih thu a sawi.
“Dik taka sawi chuan India ram hian helai ram bial velah hian an ram ral muanna leh himna turin thlawptu leh țhian țha a mamawh a, hei hi kan himna tur pawh a ni, " tih thu a campaign sum tuakna a India-US inlaichinna chungchang zawhna a chhan dan a ni.
Sum tuakna pui tham tak hi Mr. Alan Leventhal, Chairman leh CEO of Beacon Capital Partners in a huaihawt a ni a. Vice President hlui hian India leh United States te chu ram ințhian hlun (natural partners) anih thu a sawi.
“He ințhian țhatna hi a bik taka inkawp ( strategic partnership) a ni a, chu chu kan himna atan a pawimawh tak zet a ni, " tih thu he inkhawma tel ten India ram chhung tana a pawimawh dan chungchang zawhna a chhan dan a ni.
Vice President kum riat lai anih chhung sawi chhuakin , “Kha kan Sorkarah khan inchhuan tur sawi ni se, Congress in a pawm tura US-India Civil Nuclear Agreement ah khan a puitlinna turin kawngro pawimawh tak ka awh a ni, chu chu inremna a zawnga theuneu lo tak a ni" tih thu a sawi bawk.
Joe Biden hi Vice President leh senator Delaware ațangin a ni a, India leh US inkar țha tak neih duh tlat mi a ni.
November thla a President inthlan tur chungchang sawiin, ram boruak tak tak erawhchu vote thlak hunah a chiang mai dawn a ni a ti. Tun țum inthlan lo awm tur hi a pawimawh ber a, he ram hian tunah ram thlarau lama Indona a hma chhawn mek a ni tih thu a sawi bawk.
Biden hian President Donald Trump leh a Sorkar inawp dan chu coronavirus pandemic a hma chhawn dan a sawisel nasa hle bawk a ni.
“ A tir tea he hri hi rawn leng tur ralkhel dar a rik pawh khan Trump hian a ngaihven lo a, a uksak chhin eih lo a, chuvang chuan ram hriselna atan lo inbuatsaih lawkna fumfe pawh awm loin hri pui kan hma chhawn avangin he thilah hian kan hlawh chham let der a nih hi. Tun mai a hlawh chham ta hi a ni lo lehnghal, a President nih chhung zawng hian a hlawhchham fai vek a, ram mipuiten rilru lama paukhauhna ațanga sum leh pai dinhmun ngelnghehna thlengin kan tla chhe ta hle a ni, tih hi ka sawi duh a ni, " Joe Biden, Democrats Party candidate chuan a sawi.
“Tunah hian kan ram hi hruaitu țha neih chakin a rum tak meuh ni hian ka hria a, chu chu thil țhenkhatah chuan tih damna ai pawha pawimawh zawk hial a ni. Aw le, vawiin hian kan ram hi a hmaa a nihna aia ropui leh țha zawka hruai kir turin hun țha tak a rawn her chhuak a ni. Chumi ni thei tura hma lam hun țha tak nei thei turin America hian kut a lo thlakin, thil a lo ti tawh țhin a ni," a ti.
H-1B Visa kumin chhung zawng atan sut chungchang pawh thlan tlin anih chuan a sut nghal tur thu a sawi. H-1B Visa hi India ram mithiam scientists, IT professionals etc hoten an hman țangkai tak leh sut anih vanga hna țha tam tak chan phah an awm a ni.
" A ni (President Donald Trump) hian tun kum chhung zawng H-1B visa a sut hi thlan tlin ka nih chuan a ni ve lo ang" tih thu Joe Biden kum 77 mi Democrats President candidate chuan a sawi.
Source :
Times of India
July 02, 2020
@ 07: 47 IST
The Hindu
July 02, 2020
@ 07:23 IST
====02==07==20=
Huna Kawlvawm
Post a Comment
He post chungchanga i ngaihdan lo sawi ve rawh: