Ziaktu: The_Mizo_Marathoner
1. Bike mawi tak, ring tak leh man to taka chei chu lekchhuak in, sam maksak leh rawng dangdai tak tak pu chungin tattoo nen an tlankual a; petrol man tur pawh a nu/pa a dil a ngai lawi a.
2. Ṭhiante tih ang apiang tih ve zel tum in gaming lam a luhchilh a, PUBG leh Mobile Legends khel leh in, crate leh diamonds/skin lei nan sum tam a luanral hnu ah eng a ang theilo, eizawnna atana hman chu ala hla lutuk!
3. Chhungte rualin chaw a ei ngailo a, chhungte rualin zingah pawh a tho ngai heklo
4. College kal ve siin, subject ba a ngah em em a, a zirlai chu a nun ah hmanna tur oawh a hrelo; Pol. Sc. student ve si ram politics kalphung an sawi nikhua in a mut a chhuak, Economics major ve si khan lakluh nei hlei lovin sum a tlak ral ang lawi a,
5. RV lam ah a hmel an hmu fo a, pawisa a neihloh pawn zuk ba thei hial a mawle! A bawn asin!
6. Kuhva leh cigarette a heh em em a, a kar khat pocket money chu sorkar hnathawk tam tak aiin a sang bawk si,
7. MIZO hmeichhia in hnamdang an ngaihzawn lah in a rilru a na a, a haw em em a; hmeichhe tan khan a rintlak hlol loh ani tih a in pawm duh tlat bawk si lo, ava chapo ve!
8. Hmeichhia i duh changkang in i duh class bawk si; hmeichhe rilru tina in par tin i kawp lawr a, in enfiah teh! I phu tawk lek in an duh che anih kha! Chhungkaw nih i tlin hma loh chu e hmeichhe fing leh fel leh ṭha i phulo.
9. College i zo ve a, hna i zawng a, sawipuitu hmanga hna hmuh te ila tum ta deuh deuh a; tute emaw in an eiruk in i so ang hluaibawk si!
10. Mi eiruk, mi thiltih diklo deuh i hmuh pawn i enliam ta vel mai mai a, dikna in rorel se tiin i hnaivai ah i tlangaupui a, mahse dikna i nunpui si lo; miin i ṭhat tawk lohna an sawi lahin insiamṭhat ahnekin ila thinrim tau ang zui bawk ah!
11. Hetiang reng reng chuan maw MIZO VALA LEH MIZO HNAM hi a MAWL LUAT vangin CHIMRAL ala ni ang a, CHAKMA leh TUIKUK pawngvin tharuma do pung pung loin, lehkha ṭha takin zir la, thuneitu nih tumin do zawk la, i damchhung chuan i ram tan eng emaw tal i hnutchhiah ang a, KAWTCHHUAH ah PASALṬHA te lak ah i inkiltawih lo zawk ang a tiraw?
12. Phai ah lehkha zirin i awm a, vai ho nena nungho inni tih theihnghilh in, i nungchang, i khawsa zia i hloh zo a, i zirlai ah i fail reng bawk a, chawm hlawm i nih pawn i pass theilo ania, i bawn emai! Dawt sawiin i chhungte i bum a, zu hmun ah talin nuam i tawl a hmeichhia ah, i duty kha i theihnghilh ṭhin a, a pawi asin! ST quota i ti uihawm emai.
13. Chhungkaw hausa ah i piang loa i harsatna chu hmachhuanin mi fate tih el nan ila hmang zui ah, "victim card" tenawm tak ani!
14. I nu leh pa hnathawh te i zahpui ta mai em ni? Mai mai a! Khawvel eng hmuh tir tu che an ni asin! I Pathian i zahlo hle mai!
15. Kohhran ah a kul a tai in i inhmang a,i fakawm narawh e, mahse inkhawm ban ruala biakin hung chhung pawh pelh hmaa mei i zu pawt pawt hi chu sim a tha hle mai.
16. Ṭhalai Pawl ah hruaitu i ni a, mahse member hla tumah i hip theiloa, i ṭhian nih emaw i bul hnaia awm an chaklo fo, a chhan chu ṭha leh dik ber nihna in i khata, i induhtawk em anih kha!
17. Ngaihzawng i neih apiang in hun remchang i zawng a, fel ber awm angin biakin ah i awm zui a, i ngaihzawng i khawsak pui dan ah khan i rin Pathian in a hmu che tih hria la, rorelna ni ila hmachhawn dawn avangin i nun uluk rawh. Tu chhungkua mahin hna neilo fel deuh hi makpa atan an it tehchiam lo ania.
18. Eng kawng pawh zawhin engpawh ti la, ka dem lo che; hei bak ram i nei loa, hei bak nu leh pa, i nei hek lo. Chuvangin, i ram tan i nun uluk la, i rilru lo hrisel sela, mahni intodelh in PATHIAN leh RAM SIAM ṬHAT tumin hma ila dun tawh zawk ang hmiang?Hei erawh hre reng rawh insiamṭhat nan tlai lua a awm love.
Post a Comment
He post chungchanga i ngaihdan lo sawi ve rawh: