TÛN KÂR CHHÛNGA MIZORAMA THIL THLENG LANGSÂR ZUALTE

Buatsaihtu: V Kungtea
Email: kungteavandiau0785@gmail.com

*31.05.2020:* ZMC Falkâwna Covid-19 vei nia rinhlelh mi 91 test result tihchhuah a ni a, an vaiin an result a negative vek.



Zîng dâr 9:45 khân Delhi aṭanga Mizo tangkhang lo hâwte Bairabi aṭanga Champhai kal tûr, passenger 15 kal tûr bus, MZ 01E 8343 chu Mualkhang bulah a che sual.

*01.06.2020:* Chawhma dâr 10:30 vêl khân Lunglei bus; phai lama awm rawn phur hâwtu, Lungleia va dah rawn haw leh lam chu Aibâwk leh Sateêk inkâr Aibâwk piah lawkah a che sual a, driver leh conductor chuangin driver hi a na deuh va, conductor erawh ngaihtuahawm a ni lo. Hliam hi Aibâwk damdâwi inah ambulance-in lâk a ni.

• Bangladesh ramri hrûla BSF duty-te’n ram pâwn ațanga lo lût tûr gate an hawnsak lai Khawthlangtuipui VLTF duty-te’n an va nangchîng.

• Delhi leh Kolkata ațanga Mizo lo hâw, hmeichhe 11 leh mipa 1-te chu covid - 19 an kai ngei tih nemngheh a ni.

*02.06.2020:* Chawhnu dâr 2 vêl khân Aizâwl Bâwngkâwn thlânmual bul, High School leh Primay School inkâr kawng laiah Lalhminghlua, Armed Vêng ‘S’ leh Vânlalnghâka, Saron Vêngte ruang chhar a ni.

• Zan rei lam khân Covid - 19 vei thar ZMC-ah hmuh belh a ni a, mipa a ni.

*03.06.2020:* Zanlaiah khân Covid -19 positive pathum, Lunglei, Saitual leh Mamit district ațangin hmuh chhuah belh a ni a, hmeichhia vek an ni.

*04.06.2020:* Rajya Sabha MP inthlan, June ni 19-a neih tûrah, MNF Nomination Committee chuan, Pu K.Vânlalvêna, National Core Committee member, MNF Gen. Headquarters chu a ruat.

• Covid - 19 kai thar mi 5 hmuh belh an ni.

*05.06.2020:* Zân khân Covid - 19 kai thar mi 2 hmuh belh an ni.

• Mizoram Rajya Sabha seat khat chuh tûrin ZPM chuan an party candidate atan Pu B. Lalchhanzova a nih tûr thu an puang.

• Bible Society of India, Aizawl Auxiliary chuan hri lêng vânga Mizoram khaw hrang hranga ramri depa duty post hrang hranga dah tûr, Mizo leh Bengali Bible copy 625 chu an thawn chhuak.

*06.06.2020:* Eptu MPCC chuan Mizoram Rajya Sabha seat khat chuh tûra an ruat Pu PC.Zoramsângliana chu thlâkin MPCC Media department chairman, Dr.Lallianchhûnga chu ding zâwk tûrin an ruat.

• Lawngtlai district Chawnhu khaw naupang pahnih– Lalhriatsânga (13) leh Stephan Vanlalawmpuia (9)-te chu chawhnu dâr 1:30 vêl khân Pu Champion-a sangha dîl tuikhuahah an tla hlum.

• N.Vânlaiphai leh Fârkâwn helipad-ah helicopter țum chhinna, trial landing hlawhtling taka neih a ni.

Post a Comment

0 Comments