Aizawl | June 22, 2020: India rama sumdawng pawl inzawmkhawm CAIT ( Confederation of All India Traders) te chuan Commerce and Industry Minister Piyush Goyal hnenah ral chah company te chu rang taka an internet-a an bungraw zawrh chhuahna _portal_ ah an bungraw zawrh chhuahte chu 'khawi ram thil nge anih' loh theih loha tar chhuah anih theihna turin an kär nawn leh a ni. He hi thil leituten duh an thlan theihna tura tih a ni.
Ral chah hmanga sumdawng (e-commerce) tam ber hian internet a an thil zawrh leh hralh chhuah tam ber hi Chinese bungrua a ni a, thil leitu tam ber hian khawi ram ațanga siam nge ani tih ngaihtuah lem lo, mahni mum muma, mum ve tawp an tam a, chungte chuan ngaihtuahna leh rilru an hman theihna turin a siamtu ram an hriat hi a țul a ni, Confederation of All India Traders (CAIT) chuan an ti. CAIT hian Chinese thil siam hnawla ram chhung thil siam chawilar beihpui thlak an kalpui mek a ni.
"Goyal, Commerce and Industry Minister hi FDI policy siam țha turin ngen a ni tawh" tih Press Note no 2 chuan a tar lang. Foreign Direct Investment (FDI) dan hman lai hian India ram internet kal tlanga thil tam tak hralh chhuaktu, ral chah sumdawngho hi a thlawp hle a, a hrang hlaka heng ral chah company te ( Indian e-commerce firms) hman tur dan duan mek chu ti puitling vat turin CAIT hian Minister hi an tür ta a ni.
"Ram dang ațanga thil lak luhah hian, khawi ram thil siam nge a ni tih leh khawi ațanga lokal nge a ni tih hriat theihna tur tar lang ngei tur leh ram chhunga thil siamte pawh a siamtu ten an nihna tar lang vek se țha kan ti bawk. Thil siam chhuah reng reng hi a siamtu ram s awm vek tur a ni", CAIT Secretary General' Praveen Khandelwal chuan a sawi
Sumdawng pawl hian state/UT Chief Minister zawng zawng te hnenah ngenna an thawn vek a, China ram thil siam duh lohna beihpui thlaknaah pawh hma hruai turin an ngen vek bawk.
He campaign an kalpui hi political party te pawh thlawp tura an sawm mai bakah he an beihpui hi duhsak ngei turin an ngen bawk a ni.
"CAIT hian Board of Cricket Control of India (BCCI) hnenah Vivo leh Chinese Company eng ațang pawha bultum sakna (sponsorship) an dawn te pawh ti tawp vek turin an ngen a ni. Indian Olympic Association (IOA) hnenah pawh Chinese Company te ațanga bul tumsakna an dawn zawng zawng pawh hnuk dawk a, ti tawp nghal vek turin an phut a ni. India milârhote (filmstar & sportstar) te pawh Chinese Company te nen inthlunzawm lo tur leh an thil siam te vawrh lar sak lo turin an duh bawk.
Source :
The Economic Times
June 21, 2020
@7:59 IST
====22==06==20==
Huna Kawlvawm
Post a Comment
He post chungchanga i ngaihdan lo sawi ve rawh: