Sawrkarin apps 59 ban dawn; Khap tur zingah Tiktok leh Mobile Legends tel

Aizawl | June 29, 2020: Ministry of Information Technology chuan,  IT Act section 69A leh Information Technology (Procedure and Safeguards for Blocking of Access of Information by Public) Rules 2009 in thuneihna  a pek angin mobile apps 59 chu ram him zawkna atan a khap dawn.

Hetia Apps 59 khap chhan hi India ram himna, defence, inpumkhatna leh venhimna lam a tihderthawn theih vanga khap a ni.


Heng apps khap tur zingah hian tunlaia thalaite hman nasat Tiktok, Likee, Mobile Legends leh Bigo Live te telin apps 59 a ni.

Apps ban tur list:
1. TikTok
2. Shareit
3. Kwai
4. UC Browser
5. Baidu map
6. Shein
7. Clash of Kings
8. DU battery saver
9. Helo
10. Likee
11. YouCam makeup
12. Mi Community
13. CM Browers
14. Virus Cleaner
15. APUS Browser
16. ROMWE
17. Club Factory
18. Newsdog
19. Beutry Plus
20. WeChat
21. UC News
22. QQ Mail
23. Weibo
24. Xender
25. QQ Music
26. QQ Newsfeed
27. Bigo Live
28. SelfieCity
29. Mail Master
30. Parallel Space  31. Mi Video Call – Xiaomi
32. WeSync
33. ES File Explorer
34. Viva Video – QU Video Inc
35. Meitu
36. Vigo Video
37. New Video Status
38. DU Recorder
39. Vault- Hide
40. Cache Cleaner DU App studio
41. DU Cleaner
42. DU Browser
43. Hago Play With New Friends
44. Cam Scanner
45. Clean Master – Cheetah Mobile
46. Wonder Camera
47. Photo Wonder
48. QQ Player
49. We Meet
50. Sweet Selfie
51. Baidu Translate
52. Vmate
53. QQ International
54. QQ Security Center
55. QQ Launcher
56. U Video
57. V fly Status Video
58. Mobile Legends
59. DU Privacy


Sorkar chuan India ram thuneihna leh inlungrualna, India ram invenna leh himna leh  thupek kenkawh tiderthawng a harsatna thlen thei nia hriat   mobile apps 59 a ban/khap.

Ministry of Information Technology chuan Information Technology Act hnuaia section 69A in thuneihna a pek leh Information Technology (Procedure and Safeguards for Blocking of Access of Information by Public) Rules 2009 hnuaia provision hmangin harsatna an thlen theihte ngaihtuah chungin apps 59 chu block turin thuthlukna a siam a. Heng apps a information hmuh theih atang hian India ram thuneihna leh inlungrualna, India invenna leh himna leh vantlang thupek tiderthawng a harsatna thlen thei nia hriat an ni. Kum reivaklo kalta atang khan technology lama hmasawnnaah India hian hmahruaitu dinhmun rawn hauh chhovin digital space ah primary market a rawn ni a. 

Hetihrual hian data security lamah leh India ram mipui vaibelchhe 130 te privacy vawnhim kawngah fimkhur ngaihna leh mangan rukna a awm thin a. Tunhnai hian ram himna leh thuneihna  tiderthawng thei zawnga hman a ni tih hriat a ni a. Ministry of Information Technology chuan report thahnem tak tiamin kil tin atangin complaint tam tak a dawng a. Android leh iOS platforms a mobile apps thenkhatte chu phalna lovin user-te data rukna leh thawnna hmanrua atan a hman niin heng data te hi India ram pawn a awm server ah thawn an ni a. Heng data lakkhawmte, hai chhuah leh profiling te hi India ram invenna leh himna pawikhawih zawng a India ram inpumkhatna leh thuneihna tiderthawng thei annih avangin haider theihloh leh ngaimawh awm an ni a, rang taka hmalak ngaihna a ni. 

Indian Cyber Crime Coordination Centre, Ministry of Home Affairs  hian heng apps hnawksakte hi block turin thurawn a lo pe tawh bawk a. He Ministry hian apps thenkhatte kalphung a data security himlo leh privacy risk awm chungchangah hian mipui lam atang a aw-ka chhuak a lo awm fo tawh thin a.  Computer Emergency Response Team (CERTIN) pawhin public order nghawng thei data security leh privacy palzutna thleng chungchangah hian mipui lam atangin aw-ka an lo dawng tawh bawk a. Hetiang hian India Parliament chhung leh pawn lamah mangang aw-ka chhuak a tam hle a. Mipui mimir zingah India thuneihna tiderthawng a, khua leh tuite privacy palzut zawng a che thin Apps te laka khauh zawk a hma la tur a nawrna riva a tam hle a ni.


Hetiang boruak karah hian tunhnaiah heng apps te hian India ram thuneihna leh inlungrualna a tiderthawng thei a, an himlo a ni tih tichiang thei a awm tak avangin Sorkar laipui chuan heng Apps te hi Mobile ah leh Mobile nikher lo Internet hmang device ahte  hman chhunzawm a khap ta a ni. Chung Apps te chu appendix thil telah hian list chhuah a ni a. He hmalakna hi India mi vaibelchhe tam tak mobile leh internet hmangtute hmakhua ngaia tih a ni a. He thuthlukna hi Indian cyberspace venna leh himna atana siam a ni.

Post a Comment

He post chungchanga i ngaihdan lo sawi ve rawh:

Previous Post Next Post