PM FME Scheme chuan investment cheng vaibelchhe 35,000 leh skilled leh semi-skilled hna nuai 9 a siam dawn: Harsimrat Kaur Badal

* Scheme hi information pek, training, exposure tha zawk leh kalphung mumal zawk hmangin unit nuai 8 in an chhawr tangkai thei dawn a ni.

* Pi Harsimrat Kaur Badal chuan "PM Formalization of Micro Food Processing Enterprises (PM FME) scheme" a hawng.

* PM FME inkaihhruaina (Guidelines) tlangzarh a ni.

Aizawl | June 29, 2020: Food Processing industries Minister Pi Harsimrat Kaur Badal chuan PM Formalization of Micro Food Processing Enterprises (PM FME) scheme chu "Atmanirbhar Bharat Abhiyan" peng pakhat angin June ni 29, 2020 hian a hawng a. Union Minister chuan he Scheme hian investment cheng vaibelchhe 35,000 a hailuh theih dawn bakah skilled leh semi-skilled hna nuai 9 a siam thei dawn a; information pek, training, exposure tha zawk leh kalphung mumal zawk hmangin unit nuai 8 in an chhawr tangkai thei dawn a ni a ti a. He hunah hian Scheme kalphung / guidelines pawh tlangzarh nghal a ni.

Tualchhung eitur sawngbawlna (local food processing) unit-te tangkaina sawilangin Union Minister chuan India ramah hian hmanlai atangin thingtlang khua a tualchhung a sumdawngte'n eitur an siam chhuh chu tualchhung mite eitur lakna pawimawh tak a ni a ti a. Tualchhung unit-te pawimawhna leh tangkaina hi ni 12.5.2020 a Prime Minister-in ram mipuite hnena thuchah a sawi khan a tichiang leh zual a ni a ti.

"Harsatna kan hmachhawn laiin tualchhung mite'n kan mamawh min phuhruk sak a, tualchhung sumdawngte hian min chhanhim a. Tualchhung siamchhuah hi kan mamawh mai pawh nilovin hman leh lei hi kan mawhphurhna pawh a ni a. Kan hun tawn mek atang a kan zirchhuah chu tualchhung siamchhuah ngaihlut leh hman hi  a ni a.  Tunlai a khawvel huap a brand /thilsiam chhuah hriat hlawh leh lar takte hi tun hma chuan tualchhung a kan siam chhuah tam takte ang tho hi an lo ni ve tawh thin a. Mahse miin an han lei a, an han hman tan hnuin an theh lar a, branding an pe a, an chhuangin an ngaihlu thiam a, chutiang chuan tualchhung siamchhuah kha khawvel huapin a lo lar ta thin a. Chuvang chuan vawiin ni atang hian India ram mi zawng zawng hian tualchhung siam chhuah hi kan ngai hlu ang a, tualchhung a siamchhuah chauh kan lei ang a, ngaihlu leh chhuang takin kan tilar ang a. Hetiang hian kan ram hian kan tihtheih ngei hi ka ring nghet tlat a ni" a ti.

Eitur sawngbawlna/food processing sector -te'n harsatna an hmachhawn thin sawilangin Pi Badal chuan kalphung mumal neilova awm food processing sector hian an hnathawh leh hmasawnna tithuanawp thei harsatna tam tak an neih thusawiin an harsatna hmachhawn zingah hian technology & equipment tunlai leb tha zawk an neihlohte, training mumal an neihlohte, institutional credit an neihlohte, products quality control lam awareness an neih mumallohte, branding & marketing skills an neihlohte leh a dangte a tel a. Heng harsatna avang hian an theihna leh hlutna pawchhuak zo lovin kalphung mumal neilova awm food processing sector hi an awm a ni a ti.

Union FPI Minister chuan unit nuai 25 dawn lai nei unorganised food processing sector-te hian food processing sector a hna 74% an siam/hauh a. Heng unit zing a 66% dawnlai hi thingtlang khua a in bun an ni a, an zing a 80% chu thingtlang khuaah  chhungkua in eizawnna atana an din leh an hman a ni a, hetiang eizawnna hian khawpui  a pem lut a tihtlem phah a. Heng unit tam zawk hi micro enterprises category a rin luh theih an ni.

PM FME scheme kalhmang kimchang

Micro food processing enterprise awmsate hnen a pawisa, technical leh sumdawnna lama chhawmdawlna pek dan tur thlir chungin Ministry of Food Processing Industries (MoFPI) chuan India ram pumhuapin "Centrally Sponsored PM Formalisation of Micro Food Processing Enterprises (PM FME) scheme" a tlangzarh a. He scheme hi kum nga chhung - 2020-21 atanga 2024-25 thleng cheng vaibelchhe 10,000 seng a kalpui tura ruahman a ni a. Scheme atana sum sen tur hi Sorkar laipui leh State sorkarin 60:40 ratio angin an inchawi sem dawn a, Hmarchhak leh Himalayan State-te tan 90:10 ratio angin a kal thung ang a, legislature nei UT-te tan 60:40 ratio angin a kal ang a, UT dang zawngah chuan Sorkar laipuiin 100% a tum thung dawn a ni.

He Scheme hian One District One Product (ODODP) (District pakhat product pakhat) approach a kalpui dawn a. Hemi hmang hian rualkhai zawkin hmalakna a kalpui theih dawn a, common services lak a theih dawn bakah thil siamchhuah tan market mumal a awm thei dawn a. District tana food product thlan chhuah chu State kutah a awm ang a, product hi cluster awm tawh sa leh raw material awm dan a zir a thlan tur a ni ang a. ODOP product hi eitur tharchhuah chhe thei, district chhung a tharchhuah tam an ni tur a ni a. Chutiang tharchhuah zingah chuan theihai, alu, litchi, tomato, tapioca, kinnu, bhujia, petha, papad, pickle, millet lam chi, sangha, ar, sa dang leh ran chaw te pawh a huam tel vek a. ODOP products tharchhuak/siamchhuakte chu duhsak an ni ang a. Chutihrual chuan product dang siamchhuak unit-te pawh chhawmdawlna pek an ni dawn a. Infrastructure inhmantawm theih leh branding & marketing lama puihna chu ODOP product-te hnenah chauh pek an ni ang a. He scheme hian thil hmantlak loh atanga thil tangkai siam chhuah (waste to wealth products) te, forest product tenau zawkte leh Aspirational district-te a ngai pawimawh bawk dawn a ni.

Mimal enkawl micro food processing unit awmsate'n an unit upgrade/tihhmasawn an duh anih chuan unit pakhat tan maximum ceiling cheng nuai 10 zelin eligible project cost atang a 35% credit-linked capital subsidy an la thei ang a. Working capital leh hmanraw tenau leina atan SHG member pakhat zelin seed capital Rs. 40,000/- an la thei dawn a. FPO-te/SHG-te/Producer cooperative-te chu value chain zulzuiin capital investment angin credit linked grant 35% pek an ni ang a. Credit linked grant @35% chu common processing facility, lab, warehouse, cold storage, packaging leh incubation center tiamin common infrastructure dinna atana chhawmdawlna ang a pek a ni dawn a. Hei hi cluster huam chhung a  FPO-te/SHG-te/ cooperative emaw state enkawl agency emaw mimal enterprise te kaltlang a micro unit-te'n an hman tur a ni dawn a. Marketing & branding lama puihna chu micro unit-te leh group-te hnenah State emaw regional level a 50% grant ang a pek a ni ang a. Cluster a micro unit tam zawkte'n an chhawr tangkai theihna atana hetiang a ruahmanna hi siam a ni.

He Scheme hian capacity building leh research a ngai pawimawh hle a. NIFTEM leh IIFPT, MOFPI hnuaia academic leh research institution pahnih bakah State in a thlanchhuah State Level Technical Institution-te'n unit-te hnen a training pekte, micro unit-te'n product an siamchhuah, packaging leh machinery lamahte chhawmdawlna an pe dawn a ni.

Scheme kalphung zawng zawng hi MIS hmang a tihtur a ni a, hemi hian entrepreneur-te'n dilna an thehluhte, a processing-te  State leh MoFPI in an project hrang hrang an pawmte, grant leh fund dang pekchhuahte leh project monitoring-te a huam vek a. Entrepreneur tinte leh stake holder-te zing a he schme hnuaia tanpuina dil duhte chuan scheme kalpui dan tur chungchangah an State/UT theuh a State Nodal Agency-te emaw district level a mawhphurtute an be pawp tur a ni.

TOP (Tomato-Onion-Potato) thlai atanga Eitur chhe thei thei & thlai (Top atang a Total) a Operation Greens huang zauh.

Operation Greens Scheme, tuna MoFPI in a kalpui mek chu tomato, onion leh potato (TOP) thlai atangin horticulture thlai ang a pawm zawng zawngah a tharchhuahna hmun atang a a hralh chhuahna hmun thlenpui tura a phurhna leh a dahthatna chungchang a subsidy pekna atan telh an ni a. He hmalakna hian a tum ber chu inkharkhip avanga thlai leh thei chingtute'n hralhchhuahna lama harsatna an tawh leh an thlai thar chhia vanga an channa laka chhawmdawl a ni.

Scheme in a huam thlaite:

Thei:Theihai, Balhla, Kawlthei, Kiwi, Theifeihmung, Thingfanghma, Serthlum lam chi, Lakhuihthei, Theibuhfai, Lamkhuang; Thlai:- French beans, Changkha, Bawkbawn, Capsicum, Carrot, Parbawr, Hmarcha hring, Bawrhsaiabe, Purunsen, Alu leh Tomato. Thei/thlai dangte chu Ministry of Agriculture emaw State sorkarin rawtna a siam zulzuiin nakin zela telhbelh theih tura ruahman a ni.

Scheme hun chhung:- Notification tihchhuah (chu chu 11/06/2020) atang a thla ruk chhun.

A dil theite:- Eitur sawngbawltute/Food processors, FPO/FPC, Co-operative Society-te, Mimal Loneitute, Licensed Commission.Agent, Exporter-te, State Marketing/Co-operative Federation, Retailer-te leh a dangte, thei leh thlai processing/marketing lam buaipui/khawihte an ni.

Chhawmdawlna pek dan kalphung:- Ministry chuan a insenso ngai zat a zirin thil pahnih atana senso atangin 50% subsidy a pe ang:

Scheme in a huam thlai te a tharchhuahna cluster atanga a leina hmunpui (consumption centre) phurh thlen man; emaw scheme in a huam thlai vawnthatna tur storage facility hawhna (a rei berah thla 3 chhung); subsidy dilna thehluh - a dil thei entity-te, a hma a tarlan tawh ang a essential criteria a tlingte chuan MoFPI phalna lak hmasak ngai lovin scheme hnuaia tel thlaite chu a thar chhuahna cluster atang a phurhchhuah emaw storage a vawnthat emaw an ti thei dawn a. An dilna hi awlsamtein online portal https://www.sampada-mofpi.gov.in/Login.aspx. ah  an tehlut thei sawn a. Diltute chuan thlai leh thei an phurh/vawnthat hma hian portal ah an in register ngei tur a ni.

SC/ST Food Processor-te tana a thlawn a online Skilling programme.

Pi Harsimrat Kaur Badal chuan MoFPI in e-learning atan a  NIFTEM leh FICSI te nen a tangkawp aSC leh ST entrepreneur-te tana a thlawn a online skilling class buatsaih a tum thu a sawi a. MoFPI chuan course 41 thlangchhuak tawhin hna hrang hrang - chhangurte, jam/pickle siamte leh a dangte tan digital content/online a zir theihna tur dah a ni dawn a. Certificate neia an zir zawh hnuah chuan heng entrepreneur-te hian eizawnna tur kawng tha zawk an nei ang a, anih loh pawhin anmahni in bul an tan thei dawn a ni a ti a. NIFTEM kaltlang a Ministry-in participant handbooks leh facilitator-te guide a siam chu e-learning format a digital content leh online assessment service atana dah a ni dawn tih sawiin FICSI in English, Hindi leh tawng dangin web-ah leh android hmang mobile app a dah theih turin an buatsaih dawn a ni a ti.

***