Sawrkar laipui hnuaia Aatmanirbhar Bharat Package atangin mi 306 hnenah loan pe chhuak tawh; Loan rang taka a pek chhuah tir mek hi lawmawm kan ti - BJP Mizoram

Aizawl | June 12, 2020: Hrileng kara sumdawngte harsatna lak ata chhanchhuahna atana sawrkar laipuiin a duan Aatmanirbhar Bharat Package hnuaiah State tin ah Loan rang taka a pek chhuah tir mek hi BJP Mizoram chuan lawmawm an tih thu thuchhuah siamin an sawi.



Central Sorkar Narendra Modi kaihhruai BJP Sorkar chuan India ram chhunga MSMEs leh sumdawng hrang hrang ten Covid 19 hrileng vanga harsatna an tawh chhanchhuahna atan Aatmanirbhar Bharat Package ruahmanin, he package hnuaiah hian State hrang hrangah Bank hrang hrangte chu Emergency Credit Line Guarantee Scheme (ECLGS) a siam a, State tin ah Loan rang taka a pek chhuah tir mek a ni. Hei hi BJP Mizoram chuan lawmawm an ti a, "He ECLGS hian State chhunga sum harsatna nasa takin a sukiang ngei dawn a ni." an ti bawk.

BJP thuchhuah chuan, Mizoram chhungah pawh June 9 thlenga kan hriat theih chinah ECLGS hmanga  ni 14 chhunga Bank loan hrang hrang Sanction siam tawh chu mi 334 niin, mi 306 hnenah loan hi pek chhuah tawh a ni a, pawisa faia Loan pek chhuah zat tur ruahman chu Rs 19.19 Cr ah Rs 14.49 Cr vel hi report dawn tawh a ni' a ti a.
"Heng Loan rang taka pek chhuahna tur ruahmanna kawnga Central Sorkar hmalakna hian Mizoram chhungah pawisa lengvak tam takin a ti tam in, Mizoram chhungah Employment tamtak a siam chhuah ngei kan beisei a, Self Reliant India chu Self Reliant Mizoram pawh he Scheme kal tlang hian a thlen theih ngei kan beisei bawk a ni." tiin an tarlang bawk.

BJP chuan, Hetiang hun harsa kan ramin a tawh mek laia, Mizoram chhunga Bank hrang hrang te hmalakna leh thawhrimna leh Mizoram mipui te tan a an inpekna an chhuan thu an sawi bawk.

BJP Mizoram State President Vanlalhmuaka chuan Public Sector Bank hrang hrang ten ECLGS hnuaia India ram pumah ni 14 chhung lek, 9th June 2020 thleng a India ram State hrang hrangah mi 5,46,617 hnenah loan Sanction hmanin, mi 2,80,926 hnenah ah loan an sem chhuak hman a ni, a ti a.

"Heng loan rang chi sem tura pawisa fai an sanction chu 24260.65 Cr niin, 12,200.65 Cr lai Cumulative Disbursement an ti hman a ni." a ti,

BJP Mizoram State President Vanlalhmuaka chuan, Mizoram State chhunga Public Sector Bank hrang hrang ten he ECLGS  Loan rang chi an semna kawngah pawh  Prime Minister Modi kaihhruaiin, Covid 19 hripui leng avanga harsatna tawkte dinhmun siamthatna tur atana Vision hi ataka athlen ngei theih nan loan la tu te zawng zawng pawhin an lak chhan ang taka tha taka hmang tur in a a chah bawk.

Post a Comment

0 Comments