PM Modi chuan naktip hian India ram thingtlang a khawsak ti awlsam tura hmalakna atan GKR Abhiyaan a hawng dawn.

Aizawl | June 18, 2020: Sorkar laipui chuan rural public works scheme lian tham tak ‘Garib Kalyan Rojgar Abhiyaan’ kalpui turin thuthlukna a siam a. Hei hian mahni khaw lama haw migrant worker-te leh thingtlang khua a chengte tan khawsak awlsam zawkna a thlen theih beisei a ni a.  PM Modi chuan he Abhiyaan hi June ni 20, 2020 chawhma dar 11 hian Video-Conference kaltlangin a hawng dawn a. He hunah hian Bihar Chief Minister leh Deputy Chief Minister-te’n an telpui dawn a ni.  He Abhiyaan hi Bihar a Telihar khua, Block Beldaur, Khagaria District atang a hawn a bul tan a ni ang a. He hun hi State dang pangnga a Chief Minister-te leh hmalakna kaihhnawih Ministry changtu Union Minister-te pawhin virtual-in an chhim dawn a ni.  Common Service Centres leh Krishi Vigyan Kendras kaltlangin he programme hian State paruk a District 116 a thingtlang khuate a tuam dawn a; hmalakna hi Covid-19 hripui leng mek vangin social distancing dan zawm chung a kalpui a ni dawn a ni.

Campaign hi mission mode a kalpui tura ruahman a ni a. Ni 125  chhung hian migrant worker-te hnathawh tur hna chi hrang hrang 25 ruahman sak a ni ang a. Hemi hmang hian ram chhung a thingtlang khuaah infrastructure siam a ni dawn a. He scheme atan hian cheng vaibelchhe 50,000 ruahman a ni. 

Migrant worker 25,000 chuangte hawna State paruk a district 116 chu he scheme kalpuina atan hian thlan a ni a. State paruk thlanchhuahte hi Bihar, Uttar Pradesh, Madhya Pradesh, Rajasthan, Jharkhand leh Odisha te an ni a.  Campaign kalpuina atana thlan zingah hian Aspirational District 27 an tel a. Heng district-te hian mahni khaw lama haw migrant worker hmun thum a then a hmun hnih (2/3) a huam thei tur ang a chhut a ni. 

He Abhiyaan hian Ministry/Department hrang hrang 12 - Rural Development, Panchayati Raj, Road Transport & Highways, Mines, Drinking Water & Sanitation, Environment, Railways, Petroleum & Natural Gas, New & Renewable Energy, Border Roads, Telecom leh Agriculture te a kaihhnawih dawn a, a tul dan ang zelin an thawk ho dawn a ni.

Migrant worker-te chhawmdawlna atan mission mode in State 6 a district 116 ah ni 126 chhung campaign neih a ni ang.

Campaign hmang hian infrastructure rintlak leh changtlung siam a nih dawn bakah hei hian hnathawh tur remchang a siam dawn bawk a ni.

Garib Kalyan Rojgar Abhiyaan hmang hian vangtlang hna cheng vaibelchhe 50,000 hu thawh a ni ang.

*****

- PIB Aizawl