One Nation One Card Scheme-ah Mizoram telh a ni

Aizawl | June 2, 2020: ‘Integrated Management of Public Distribution System’ (IM-PDS) scheme hnuaiah Mizoram chu telh a ni a. He thu hi nimin khan Union Minister of Consumer Affairs, Food & Public Distribution Pu Ram Vilas Paswan-a’n a puang a ni.  NFSA hnuai a “One Nation One Ration Card” ruahmanna hmang hian NFSA ration card neite’n buhfai/wheat subsidy an lak theih chin chu India ram chhung a ePoS hmang FPS khawi hmun atang pawhin an la thei dawn a. Tun a an Ration card hmanlai hmang hian ePoS device ah Aadhaar authentication tiin a tih theih dawn a. Mizoram bakah hian Odisha leh Sikkim te pawh he scheme ah hian telh an ni.

Tundinhmunah hian he facility hi State/UT 17 ah hman a ni tawh a, chungte chu - Andhra Pradesh, Bihar, Dadra & Nagar Haveli and Daman & Diu, Goa, Gujarat, Haryana, Himachal Pradesh, Jharkhand, Kerala, Karnataka, Madhya Pradesh, Maharashtra, Rajasthan, Punjab, Telangana, Tripura leh Uttar Pradesh te an ni.  He hmalakna bakah hian Department of Food & Public Distribution chuan State/UT-te nen tangkawpin State/UT dang mi hetiang hamthatna neite’n an State chhung a hamthatna an hmuh theihnan hma a la reng bawk a ni. Hemi kawnga hmalaknaah hian State telh thar pathumte hi ePoS software a thunte, central IM-PDS leh Annavitran portals a telh leh Central Repository-a ration card neite dah luh kawngah a tul angin hmalak nghal a ni a. Central NIC team-te tawiawmnain hmundang atang a ration hi lak theih anih leh nihloh pawh finfiah tawh a ni a. Ruahmanna zawng zawng zawhfel anih hunah June 2020 ration sem atang a hman theih turin  ‘One Nation One Ration Card’ plan hi heng state pathum tan hian a awm dawn a ni.

- PIB Aizawl