Olympic inpuahchahna'n Sport Ministry in Khelo India State Centres of Excellance (KISCE) buatsaih dawn; A hmasa ber atan Mizoram telna state 8 a thlang

Aizawl | June 17, 2020: Sports Ministry chuan Khelo India Scheme hnuaiah Khelo India State Centres of Excellence (KISCE) a buatsaih. State leh Union Territory tinah KISCE pakhat zel a thlang dawn a ni. A hmasa ber atan State pariat ah a thlang tawh a chungte chu : Karnataka, Odisha, Kerala, Telengana, Arunachal Pradesh, Manipur, Mizoram leh  Nagaland te an ni a, facility awm sa te chu tih changtlun an ni ang.

Union Minister of Youth Affairs and Sports, Kiren Rijiju chuan Khelo India State Centre of Excellence te hi Olympics-a India inpuahchahna tur a ni a ti a. Sports facility te hi world class standard anga thuam that an ni anga, eng discipline tan pawh trainingna atana an hman theih tura ruahman a ni ang a ti. Minister chuan hei hi ramchhunga talent zawn chhuahna atana pawimawh tak a nih thu a sawi a, tunah chuan ram tana medal hawn ngei turin infiammi te kan chher dawn a ti.

Sports facility thlanna hi Ocotber 2019 atang khan tan a ni a, State leh UT tinte hrilh hriat niin an neihsa facility chungchang te kimchang taka zirchian a ni a, world class sporting facility atana siam theih a ni em tih thlengin zirchian a ni. Proposal 15 sawn a ni a, heta tang hian a tha 8 thlanchhuah leh an ni.

KISCE tura facility awmsa tih changtlunna atan hian sawrkar chuan Viability Gap Funding a ti pung dawn a ni, sawrkar laipui chuan hmasawnna ruhrel bakah coach, equipment leh manager tha ber berte a pe bawk ang. Hei hian Olympic Sports zawng zawng a huam vek dawn a ni.

State leh UT te chuan sawrkar laipui nen tang dunin kawng engkim ah an thawk dun a ni. Heng zingah hian facility tih changtlun bakah a enkawl dan, infiamite riahna, staff, leh thil dang te Khelo India Scheme hnuaiah telh vek an ni ang.

Heng centre 8 te hi grant base inpawisa pek an ni anga. Sports Authority of India in kawng hrang hrangin endik hna an thawk bawk ang.

A thawh khatna atana Khelo India Stae Centre of Excellance atana thlan te chu:

1. Sangey Lhaden Sports Academy, Itanagar, Arunachal Pradesh

2. Jaiprakash Narayan National Youth Center, Bangalore, Karanataka

3. GV Raja Sr. Secondary Sports School, Thiruvananthapuram, Kerala

4. Khuman Lampak Sports Complex, Imphal, Manipur 

5. Rajiv Gandhi Stadium, Aizawl, Mizoram

6. State Sports Academy, IG Stadium, Kohima, Nagaland

7. Kalinga Stadium, Bhubaneshwar, Odisha 

8. Regional Sports School, Hakimpet, Telangana.  

*****

PIB Aizawl