MBSE leh MZU hnuaia zirlai exam cancel duhtu ten signature campaign kalpui!

Aizawl | June 28, 2020: Mizoram Board of School Education (MBSE) hnuaia pawl 12 exam hmabak la awm leh Mizoram University (MZU) hnuaia Under Graduate leh Post Graduate zirlaite exam tur chu cancel tura duh tute'n Signature campaign an kalpui mek a, mi sanghnih chuangin signature an pe tawh.

Zirlaite hian Exam hmachhawn lova, CBSE kalphung zulzui-a promote an duh a ni.

MBSE HSSLC Exam cancel tura petition: https://www.change.org/p/mizoram-class-12-students-exam-cancel-tura-ngenna

MZU hnuaia exam cancel tura ngenna petition: https://www.change.org/p/mzu-exam-moderation-board-exam-cancel-tura-ngenna

Heng zirlaite hian change.org atangin signature campaign hi an kalpui a. He thu ziah a nih lai hian, MBSE hnuaia Pawl 12 zirlai, subject thenkhat exam la hmabakte hian signature sangkhat chuang an nei tawh a. MZU hnuaia exam hmachhawn turte hian sanghnih chuan an nei tawh.

He petition hi sawrkar lamin an ngaihvenin an bengkhawn ang em tih hriat a ni lova, mahse, zirlaite chuan exam hi thulh ngei nise duhin signature pe turin an insawm zau hle niin thu dawn a ni.

MBSE hnuaia Pawl 12 zirlaite HSSLC Exam signature campaign (hmet keuh la) ah hian an thiante chu thlawp a, petition sign ngei turin an sawm a. MZU hnuaia exam turte MZU exam signature campaign (hmet keuh la) ah pawh hian an insawm nasa hle niin thudawnna chuan a sawi.

MBSE HSSLC Exam cancel tura petition: https://www.change.org/p/mizoram-class-12-students-exam-cancel-tura-ngenna

MZU hnuaia exam cancel tura ngenna petition: https://www.change.org/p/mzu-exam-moderation-board-exam-cancel-tura-ngenna

HSSLC exam cancel duhna signature campaign hi Lalrinpuia Hnamte in nimin lama a kalpui niin, hetah hian heti ang hian a ziak;

"MBSE chuan July ni 1,2020 hian pawl 12 te tan Board Examination buatsaih a tum a. He examination neih aiah hian CBSE  tihdan angin kan paper exam tawh atanga average an lakve mai theih nan he petition hi kan siam a ni. CBSE lama an tih dan angin marks a lungawi lo chu a hnuah in exam leh mai ni se kan ti bawk a ni. 

Kan hriat angin COVID- 19 avangin March thla atangin Mizoram pumpui ah Lockdown neih a ni a. Class XII exam lai chu titawp rihin, chawlh tir kan ni a. Kan gap hi tam angin lang mahse kan zirthei bik lova, nitin mai Covid-19 kai thar an om ziah mai hriatte hian kan hlau thawng ve a. Global pandemic vanghian students ten stress kan accumulate nasa a. Chumi hnuah kan ramah ngei poh kai antam tial tial a. Kan ram leh hnam himna tur mai bakah kan zirlai exam kan tum a . Exam  hun vawi tam tak sawn a nih tawh avangin zirlaite rilruah hrehawmna nasa tak a thlen a. Chumai bakah zirlaite leh zirtirtute home quarantine mek la test loh tepoh an awm theia, tunah Mizoram chu him thawkhat angin lang mahse fimkhur tluk hi awmlo a ni. India ram Board sang pawh ina exam loa tihdan an ngaihtuah a nih chuan kan tumve turte pawh a ni. ICSE ngei pawhin tihdan an ngaihtuah a, an thurel chu kar khat hnuah anron puang don niin an sawia. Phai lama college kal duh kan tama, college thenkhat phei chuan admission an hawng der toha. Ram leh Hnam, chhungte leh thiante, mahni ngei hriselna ngaihtuah ngai avanga zirlai tam tak, an zirlaia rilru pe theilo khan exam lo ziak ta se ,hun pangngaia a performance a pha lo anga, chumi bakah CBSE leh ICSE board atanga zirchhuak tenen college tha seat an in chuh leh a nga, Mizoram Board atanga zirchhuak te tan beisei tur a vang bik dawn em em ani . Zirlaite hi kan ram future anni tih hre reng ila. Mizo zirlai tam zawkte hi MBSE hnuaia chhuak annih thin avangin exam chungchang hi ngun zawka ngaihtuah turin kan hotute kan ngen a ni. 2019-2020 HSSLC  batch chauhte hi he examination hian effect dawn mahse, hemi kum chhunga zirlaite tan chuan, an nun pum an hman tur hriltu kum a nih avangin ngun lehzuala min ngaihtuahsak turin kan ngen a che u."

MZU hnuaia exam duh lohna hi Zirlaite Aw intiin a tan niin, ni hnih kal taa bultan a ni a, a ni pawh hian heti ang hian a ziak;

"MZU chuan July ni 20, 2020 hian BA even semester(II, IV, VI) te tan examination buatsaih a tum a. He examination hi sawn hlat emaw cancel mai a nih theih nan he petition hi kan siam a ni. 

Kan hriat angin Covid-19 avangin March thla atang khan Mizoram pumpuiah lockdown neih a ni a. Zirna in, Biakin leh dawr zawng2 te khar a ni a. College zirlai ho pawh college an khar avangin mahnia in lama zir tura fuih kan ni a. App Classroom tih hmang ten assignments te,  notes te leh reading materials te zirtirtuten min pe a. Lockdown hma hian thla 3 awrh chauh college kan kal hman avangin course pawh a chanve chauh kan zo hman a. Lecturers te lah chuan Online class te lak a, internet hmang tangkai a min zirtir pawh an rawt chuang lo a. Keimahnia thiam leh thiamloa kan lo inzir tawp chu an lungawipui a ni ber mai. Syllabus chanve hlawk la zo lo a exam hmachhawn tir min tum hi chu mak kan tiin kan huphurh em em a. Kan thiante tam tak Aizawl a cheng lo, lockdown vanga an khaw lama haw te an tam bawk nen exam hi min cancel sak mai turin kan ngen a ni. MA zirlai ho pawh final year tih loh chu an exam an cancel sak tih thu kan dawng bawk nen. BA zirlai te hi min cancel sak theih kan ringin kan ngen ngawih ngawih a ni.

Phai lam atanga kan unaute lo haw zelin Mizoramah Covid-19 positive case a tam zel a. Lirthei khalh phalna dan khauh tak2 te an siam zel bawk a. College zirlaite pawh bike, scooty, taxi leh bus hmanga college kal tlangpui vek kan ni a. Veng hla deuh leh harsa deuh te tan college kal hi a buaithlak dawn em em a. Biakin leh mithi inah pawh a khawma kal phal kan nih lo laiin zirlai tam tak exam khawm tura tih kan ni leh lawi si a. Kan kal khawm mup mup hi kan tan leh kan chhungte a hlauhawm em em a ni. 

MZU hian zirlaite min ngaihtuah anih chuan, he exam hi cancel a, attendance emaw internal marks emaw previous semester marks hmanga min promote turin kan ngen a ni."

EXPLORE MIZORAM

https://www.exploremizoram.com

email: admin@exploremizoram.com

FB: https://www.facebook.com/exploremizoramportal

Instagram: https://www.instagram.com/exploremizoram

(A hnuaia fakna hi lo hmet ve rawh.)