LEIMIN WARNING: Leimin leh Leitawlh thleng thut thei - SMC

Aizawl | June 22, 2020: Nimin tlai lam dar 4:16 khan lirnghing ritcher scale 5.1-a nain Mizoram a sawi a, darkar 12 hnu, tukin zing dar 4:10- khan ritcher scale 5.3- a na in a thleng zui lehnghal a. State Meterological Centre (SMC) chuan, Lirnghing a thlen hian atirah chhiatna nasa tak thlen kher lo mah se ruahsurin a zui chuan chhiatna nasa zawk - leimin leh leitawlh thleng thei a nih thu an tarlang.

 

Directorate of Science and Technology State Meterological Centre chuan, "Khawchin thlirlawkna, Regional Meteorological Centre (IMD), Guwahati atanga hmuh danin vawiin atanga ni nga chhung(22.06.2020 – 27.06.2020)-in Mizoram hmun tinah ruah sur tura rin a ni a, hmun thenkhatah phei chuan ruah tam tak(heavy rain) leh ruah nasa tak(very heavy rain) sur thei a ni bawk." tiin a tarlang.

Hetianga lir a nghin zawh hnu lawka ruah sur tura rin a nih avang hian Mizoram
chhungah leimin leh leitawlh te awm thut thei a ni a, mipuite a theih ang anga lo
inralring tur leh lo fimkhur tur leh Leimin hlauhawmna hmuna awmte phei chu lo fimkhur zual turin State Meterological Centre chuan mipui an ngen a ni.

Post a Comment

0 Comments