Kan Chief minister hi a phaw vuak-ah alo sapatal mai mai thin em ni? - MBJP

Aizawl | June 3, 2020: BJP Mizoram chuan thuchhuah siamin, Mizoram Chief Minister zahawm tak Pu Zoramthanga'n June 2, 2020 a Thenzawl a AH & Veterinary Department Complex a tlawh ṭuma a sawi, Covid 19 avanga intodelh a ṭul zia a hre thar chauh chu mak an tih thu an sawi.



"Mizoram Chief Minister hian tunhma khan Mizoram tan engnge alo tih ṭhin," tih an zawt a, "Kan CM hi a phaw vuak-ah alo sapatal mai mai thin em ni?" tih chu an zawhna lian tak a ni, tiin BJP Mizoram thuchhuah chuan a tarlang.

Mipui ten harsatna kan tawh mek lai a, sum tam thu a sawi pawh Covid 19 hrileng vanga awm ta lo duak anga a sawi hi eng sum nge Covid19 avanga awm lo a, eng pawisa nge awm lo tih chu Chief Minister zahawm tak Pu Zoramthanga hian mipui te hi min hrilhfiah thei tur a ni, an ti a.

"Thudik chanve hmanga a ram mipuite bum reng mai ram hruaitu kan nei hi a vanduaithlak a, a Minister pakhatin CM tihlawm a duh vang nge ni, Pathian a ṭih vanga Covid19 laka him kan nih thu a sawi te kha a huaisenthlak kan ti hle a ni." tiin BJP chuan an sawi bawk

BJP Mizoram chuan, "Covid19 hrileng vang hian Central in sum pawh a hun hma vekin min rawn pe a, chuvangin, a hma a sum tam tak awm si Covid19 hrileng vanga awm lo ta duak hi a mak kan ti a, Tax chi hrang hrang pawh theih chin chin ah lak a nih tho avang leh Taxation Department lam phei chuan an Budget an khum theih an rin mek lai a, Pu Zoramthanga'n he hrileng vanga rethei thut anga a insawi hi BJP Mizoram chuan mipui te min bumna niin kan ngai a ni." an ti a.


"A hma zawng a sum tak tak nei, Covid19 do nan a sum neihsa hmang zo ang hrim a kan CM in a sawi hi mipui hnenah thudik hmanga insawifiah thuai tur in kan phut a, Phawvuak CM nilova ringtu tih a mawi ti thin tur leh Mizoram tan mi tak tak ni turin BJP Mizoram chuan Pu Zoramthanga chu kan duhsak hle a ni." an ti bawk.

Post a Comment

3 Comments

  1. Hei aia lung lian zawk hian vawm zawt zawt tur. Mizoram Budget 2020-21 a state own revenue hi khawi ațang hmuh nge an tum tih hi ka zawhna a ni reng bawk

    ReplyDelete

He post chungchanga i ngaihdan lo sawi ve rawh: