JUST WHEN I NEEDED YOU MOST

- C  Lalṭhazuala
Columnist, EXPLORE MIZORAM

Lunghnur taka tukverha dakin,
rilru a kamtu nei ru tih hriat takin,
Zingṭianah i intelin, ruahpui sur karah, khartung pawh khar lovin, Zammual i liam ta maw.

A va na em, ka lunglai a fan dan hi, Hetiang thingṭhawng hi Ariang hian ka la tawng ngai silo.
ka hahchawlna ber a liam ta si maw.

Awwww, ka hringnunin nang ka mamawh lai takin min hersan ta si maw.

Kum 1979 vel lai tak a  Khawvel music industry chu Disco music lam chiin a awp bet a ni ber maia. Radio station, Tv Station zawng zawngin an hla/music play tam ber chu disco music a ni.

Chutih lai tak chuan, Hlaphuahthiam, Guitarist, Zaithiam ni bawk, Randy Van Warmer a hla, Sentimental reih rawih, " Just when I needed you most" tih hla chu Kum 1979 ah single a tihchhuah a ni a. He hla mawi tak mai hian kar lohah Khawvel a deng chhuak nghala.Radio station, Tv station leh zinkawng vela motor kal vel zawng zawngin an play rawn ta a. He planet mawi tak maia hla play hlawh leh mite ngaihthlak nin theihloh, Mite  ngaihthlak rawn a rawn ni nghal ta a ni.


Zaithiam lar tak takin A phuahtu leh a salartu Randy Van Meisner-a sak hnuah an save ta bawk nen, He hla"just when I needed you most" tih hla copy a hralhna leh midangin an sakna royalty a ei aṭanga a sum lak luh chu a tam tham ta hle a ni.

Chu hlawhtlinna chu kum 1955 a piang, a tetlaia a pa F Roger Van Wormera'n Auto accidnent avanga a boral san, A nu Betsyi'n a chawi len chhoh, chhungkaw tlawm tak aṭanga rawn seilian chho tan chuan a va ropui dawn tak em.

 Hlaphuahthiam, Zaithiam, Musician, Randy Van Warmer hi kum 1955-ah khawvel eng rawn hmuin a pianna hmun chu indiana hills, Colorado, United statesah a ni a.an chhungkua lo zikchhuahna erawh woodstock, New York a ni thung.

Khawvel hriata amah rawn pholang tu hla mawi em em mai, "Just when I needed you most" hi an tlangzarh a ṭanga reilo te a a thlengsang nghal zawt zawt hle a. United kingdomah Top chart no-8 , single bikah a han kai a. Billboard hot 100ah no-1 dinhmun a han kai a ni.

A pa boral hnu kum 3-naah Randy Van Warmer hi a nu Bethsy chuan Cornwall,Englandah a pem puia, helai hmuana an awmlai hian rimawi khawvel rahbi zawh turin a rilru a pe nasa ta a. Cornwall leh England ram boruak chuan rimawi lipui luhchilh turin a rilruah hna a thawk nasa lehzual a ni.

Just when I needed you most tih hla label chu  Bearsville records a ni.

Randy Van Warmer-a hian khawvel dengchhuak hlalar dang hlawhtlinpui a nei nuala chung zinga lar zual te chu country rock band " ALABAMA" hla hit " I'm Hurry(And don't know why) tih hla, Alabama hovin US Country chart a Number 1 an kaipuina hlate hi a ni.

Just when I needed you most tih single a tihchhuah hnuah hian Album dang pawh a tichhuah leh nual a, an hlawhtling thawkhat na a, Just when I needed you most tih ang em em a hlawhtling leh mite rilrua tlana a vawrhchhuak thei bik talo a ni.

Randy Van Warmer hian a hunlaia American country band hlawhtling tak " The Oak Ridge Boys" ho hla sak tur tam zawk a phuahsak tu a ni a. A hlaphuah zaithiam dangin an hit pui aṭangin pawisa tam tak a tel bawkna ni.

Khawvel mihringte inawih tleina tur hlamawi phuahtu Randy Van Warmer-a chuan reitak Luekemia natna a lo sual ṭhin chu sual hneh ta lovin, Kum 48 mi lek a la nih laiin Fam rolung mual min lo liam san ta a ni. Randy Van Warmer-a hi January ni-12- 2004 khan a borala. A nupui hmangaih em em, A rimawi lamtluang zawhna a mi ṭangkai tak Suzie leh amah hringtunu Betsy te, A unau mipa pianpui Dave, Mark , leh Ron te a kalsan a ni.

Amah zamual liam tawh mahse. Rimawi ram, Parmawi thangvulna ram Zoramah te thleng pawhin  "Just when I needed you most" kan la ngaithla vawng vawng reng mai a nih hi.

Post a Comment

He post chungchanga i ngaihdan lo sawi ve rawh:

Previous Post Next Post