INDIA IN JET FIGHTER SUKHOI 12 LEH 21 MIG-29 CHINA NEN RAM RIA BUAI LAIIN A LEI BELH DAWN

Aizawl | June 18, 2020: India chuan van sang lama a tha hrui tih chak belhna turin indo thlawhna lei thar a tum a, a lei tum hi  Sukhoi thar 12 leh  MIG-29 thar 21 a ni. He indo thlawhna lei tur hian Indian Air Force chuan thui tak hma a la tawh a, rang taka hma lak zung zung anih theihna turin hemi chungchanga thil țul te Government of India ah a thlen vek  tawh a ni.





He rawtna hi Ministry of Defence ah thlen a ni tawh a, he project hi Rs 5,000 crore hu vel a ni dawn a, karleh hian Sorkar chuan a ngaihtuah ang tih thu  India Today chuan thu a dawng bawk.

Indo thlawhna lei rawtna lehkha pawimawh  (proposal copies) India Today in a zir chian dan chuan  MIG-29 te hi Russia ram ațanga lei tur a ni a, MIG-29 leina atan inremna awm sa chu tlema siam țhat ngai a awm a, MIG-29 thuam changtlunna (upgrade) chungchang a ni.

Indian Air Force kum 2016 a Rafale aircraft 36 leina tur an tih fel hnu a  Indo thlawhna 33 dang lei thar lehna tur a ni. Indian Air Force  ten indo thlawhna thar lei Sorkar hnena an rawt chhan chu, indo thlawhna a nei mek te thuam chakna tur anih bakah a neih lai țhenkhat te a hlui tawh avangin thlavenga dah tawk vel engemaw zat a awm tawh avanga chung te aiawh chho atan a nih thu India Today thu dawnna chuan a sawi.

Indo thlawhna lei thar rawtna hi India leh China sipaite ram ri Galwan Valley ah intihbuaina a thlen lai tak a nih avangin ngaihven a hlawh hle ang.India sipai leh China sipai te  June 15 zana an inphek beihnaah khan 16 Bihar Regiment helaia awm le leh China sipai  People's Liberation Army (PLA) te an innuai a,India sipai  16 Bihar regiment ațang hian thi 20 an awm a, China sipai pawh 30 thi an awm nia hriat a ni. 

Source:
India Today Web Desk
June 18, 2020
@ 19:26 IST

=====18===06==20==
- Huna Kawlni Kawlvawm

Post a Comment

0 Comments