HSSLC leh HSLC (Compartment) Exam hun sawn; July 1 atangin exam dawn

Aizawl | June 9, 2020: Higher Secondary School Leaving Certificate (HSSLC) Examinations, 2020 leh High School Leaving Certificate (HSLC) Compartmental Examination June 16 atanga neih tura puan tawh chu Lockdown vangin July 1 atanga neih tan turin sawn a ni.

HSSLC Examinations, 2020 hi anmahni Centre theuhah exam-in July 1 atanga July 3 inkar hian neih a ni ang a.

HSLC Compartmental Examinations chu July 1 hian district tina centre-ah an exam ang.

May 27 khan Mizoram Board of School Education chuan HSSLC exam hmabak exam hun tur leh HSLC Compartment exam hun atan June 16 ruat a nih thu a lo chhuah tawh a, mahse,  sawrkarin Total Lockdown June 9-22 chhung neih tura a puan leh tak avangin a hun hi sawn leh a ni.


 

Thudawnnain a tarlan danin, Covid-19 avanga rokhawlhna a awm leh hlauh a nih chuan exam hunruahman hi tihdanglam leh theih a ni.

Post a Comment

0 Comments