COVID 19 vei langchhuak lote atanga kai chhawng an vang - WHO

Aizawl | June 10, 2020: World Health Organisation (WHO) Head of Emerging Diseases and Zoonosis Dr Maria Van Kerkhove chuan nimin khan COVID-19 hri kai, lang chhuak lo (asymptomatic person) te hnen ațanga kai chhawn hi 'avang lutuk' (very rare) a tih chu hrethiam lo an awm ni a hriain, a sawifiahna thu twitter lamah a tar chhuak.


WHO COVID-19 technical hotunu Maria Van Kerkhove chuan, ram tam tak ațanga an zirna behchhana an thil hriat, COVID-19 hri kai, anmahnia lang chhuak lo leh an taksa lamin haw lo mihring (asymptomatic person) ten natna midangte hnena an theh darh chu "vang lutuk" nia an hriat leh an hmuh dan a nih thu a sawi.

 

"Ram tam tak reports kan dawn khawm ațang leh heng asymptomatic mihringte chanchin chipchiar taka chhuina  (very detailed contact tracing) kan dawng khawm a. Hengah hian  asymptomatic case te chhui bingin, an sulhnu leh mihring an khawih te pawh uluk taka chhui chian, chhui let leh vek an ni a, chuti chung pawh chuan midang an kai chhawn hmuh a ni lo. Chuvangin, hetianga kai chhawn hi "a vang lutuk a ni" tih  virtual press conference ah Thawhțanni khan a sawi.

A thil sawi hi social media network hrang hrangah a darh chak hle a, mi chi hrang  tam tak zingah sawi zui a hlawh hle a, mithiam tam takin an ngaihdan an sawi a.

" WHO-in a hemi chungchang a puan chungchang kalh a sawi zinga, sawi pakhat awm chu, hetiang hi science thiamna ațang fet taka chhut chuan SARS-CoV-2 natna hrik pai lang chhuak lo ten midang hnenah an kai chhawng thei lo tih hi thil theih a ni lo, (scientifically possible to affirm that asymptomatic carriers of SARS-CoV-2 are not very infectious)  tiin Professor Gilbert Deray,  Pitie-Salpetriere Hospital, Paris ami chuan Twitter ah a hnialna a tar lang.

Liam Smeeth, Clinical Epidemiology Professor, London School of Hygiene and Tropical Medicine,  chuan hemi chungchang hi " mak a tih hle thu" a sawi.

" Hri kai, lang chhuak lo (asymptomatic infection) te kai darh theihna hi 30- 50% vel a ni. Scientific taka thil zirna chuan a zatve dawn lai hi asymptomatic or studies pre-symptomatic mihring te ațanga midang hnena kai chhawn ni hial zawka ngaih a ni, " a ti.

Hemi hnu hian an thil  sawi ho chu nimin Thawhlehni khan WHO twitter account-ah tih chhuah nawn leh niin   Van Kerkhove hian hriat thiam loh lai chu sawifiah țulin a hria a ni.

"Zir chianna ka sawi leh lak chhuah kha tlem te, pahnih emaw pathum emaw chauh a ni," tih thu mi dang zawhna a chhannaah a sawi leh si a ni.

" WHO policy ka sawi lo," a ti bawk.

"Țawngkam 'vang lutuk' ( 'very rare'), tih ka hman kha, hre thiam lo an awm a, ka sawi tum tak chu khawvel pum huapin  natna kai lang chhuak lo te ațanga natna hrik kai chhawn (asymptomatic transmission) hi an vang hle (very rare) tihna a ni a, zir chianna ka sawi kha thil tlem tham te a ni, " a ti.

Hei hi, mithiam hrang hrang zingah ngaihdan inang lo leh inhnialna a chawk chhuak thei hle ang.

WHO technical COVID-19 hotunu Dr Maria Van Kerkhova hi American a ni a, infectious diseases epidemiologist a ni. A thiam bik chu high-treat pathogens a ni. MS - Epidemiology, Sandford University School of Medicine ațangin a zo a, PhD hi London School of Hygiene and Tropical Medicine ațangin a zo.

WHO hnuaia Emerging Diseases and Zoonosis unit ah head niin,  Kum 43 a upa a ni.

Source :
NDTV
June 10, 2020,
@  8:52 AM IST

====10==06==20==
- Huna Kawlvawm

Post a Comment

0 Comments