COVID 19: Positive panga hmuchhuak thar; Hripui vei lai 21 tling tawh

Aizawl | June 5, 2020: Mizoram COVID 19 positive case chuan san lam a pan zel a, nizan khan Zoram Medical College (ZMC) a test ah mi panga (5) hmuchhuah belh an ni.
Heng mi panga zinga pali ZMC a admit sa leh pakhat hi Lunglei quarantine centre a awm lai mek  niin DIPR chuan a tarlang.

Heng mi panga te hi sample 340 test atanga hmuhchhuah an ni.


DIPR Twitter post screenshot
COVID 19 positive hi an vaiin 22 an ni tawh a, pakhat dam tawhin, tuna hripui vei lai hi 21 an ni mek a  ni.

Nizana hmuhchhuah thar mi panga te hi - mipa 3 leh hmeichhia 2, kum 22 leh 29 inkar vek an ni a. 


May 28 leh June 1 inkara lo haw niin mi pali te hi Delhi atanga lo haw, pakhat hi Gujarat atanga lo haw an ni. Paliin khawsik leh khuh an nei a, pakhatin symptom a nei lo.

Hripui veilai mek hi mi 21 an ni a, Mipa panga niin Hmeichhia 16 an ni.

Post a Comment

He post chungchanga i ngaihdan lo sawi ve rawh:

Previous Post Next Post