COVID 19: Positive pakua hmuhchhuah belh; Hri vei mek 129 tling tawh

Aizawl | June 18, 2020: Nimin khan ZMC-a sample test 615 aṭangin positive pakua hmuh chhuah a ni a, Mipa pathum leh Hmeichhia paruk an ni.

Tunah hian result negative 499 leh result hriat hman loh 107 a awm.
Positive te hi Delhi atanga lo haw 4, Haryana 4 leh Maharashtra 1, quarantine facility a awm lai vek, symptoms nei lo an ni.



Siaha District atangin pali, Lawngtlai District pali leh Lunglei District atangin positive pakhat  hmuh niin puitling kum 19 atanga 32 inkar bakah naupang kum 1 leh kum 10 mi an tel a ni. Heti hian Mizoramah COVID-19 vei mek 129 an awm ta.


Tuna Mizoram District hrang hrang dinhmun; Lunglei - 46, Aizawl - 32 (pakhat tihdam tawh a ni), Kolasib - 11, Mamit - 14, Champhai - 5, Lawngtlai - 8, Saitual - 3, Khawzawl - 2, Siaha - 8, Serchhip - 1, Hnahthial - Nil a ni.

Tunah hian Mizoramah COVID-19 positive 130 an awm a, dam tawh pakhat awmin, Hri vei mek mi 129 an awm mek a, Hnahthial district a la him.

Heti hian Mizoram ah COVID 19 positive hrim hrim 130 an awm tawh a, Mipa pakhat dam tawhin, hri vei mek hi 129 an ni a, Mipa 61 leh Hmeichhia 68 an ni.

Post a Comment

0 Comments