Chhingchhip in Tuikhuahtlang tan chawhmeh tam tham tak an pe

Aizawl | June 17, 2020: Hri leng karah Mizo nun mawi a lang zel a. Chhingchhip khaw  mipui chuan vawiin khan Tuikhuahtlang, Aizawl mipui tan Chawhmeh chi hrang hrang tam tham tak an hlan.


Heng an chawhmeh pek hi LPK truck khat a phurh niin vawiin khan Tuikhuahtlang khawtlang hruaituten an lo dawngdawng.


Chawhmeh an pek te hi Anṭam tel 684, Maian tel 92, Behlawihnah tel 66, Phuihnam tel 96, Thingthupui tel 48, Dawlzik tel 20, Chakawk tel 12, Tumbu tam tham tak, Theihai Bag  2.5, Samṭawk bag 2, Rawtuai bag 3, Hmarcha, Saptheihnah, Purun, Saisu, anhling leh chawhmeh chi hrang hrang a ni a. Tuikhuahtlang Veng mipui an lawm hle niin exploremizoram.com chuan thu a dawng.


Chhingchhip Venghlun ten Chawhmeh an pek chu Tuikhuahtlang Local Task force leg YMA chuan semin, an sem bak Antam engngemaw zat chu Tuikhuahtlang mipui chuan Zoram Medical College (ZMC) ah an pe ve leh.


Chhingchhip Venghlun te'n chawhmeh an pek vang hian lawmthu sawi nan, Tuikhuathlang chuan Lirthei tui man an lo pe bawk a ni.


Chhingchhip venghlui mipuite hian nimin lam khan chawhmeh chi hrang hrang zawn leh sengkhawm hna thawkin an hnatlang a ni.

3 Comments

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post