COVID 19: positive pakua hmuhchhuah belh; Vei mek 101 tling tawh

Aizaw | June 11, 2020: Nizana Zoram Medical College (ZMC) laboratory-a sample test zingah Covid -19 positive 9 hmuh chhuah a ni.

ZMC Laboratory ah June 10, 2020 khan sample 135 test niin COVID-19 hmuhchhuah thar hi 9 an ni a. Hnahthial district chu positive awm lohna district a la ni chhunzawm zel.

Heng COVID-19 vei hmuhchhuah tharte hi mipa-2, hmeichhia-7 an ni a, kum 22 leh 46 inkar a upa, Aizawl District mi 8 leh mamit district mi 1 an ni. An zinga 5 hi Delhi atanga lo haw, 3 hi Maharashtra atanga lo haw niin West Bengal atanga lo haw 1 a awm bawk. An zinga 8 hi quarantine facility a awm an ni a, 1 hi home quarantine lai a ni. Symptom nei pakhat leh Symptom neilo 8 an ni.

Tun dinhmunah COVID-19 vei mek 101 an awm a, COVID-19 damlo pakhat ZMC ah enkawl dam a ni tawh.

COVID-19 vei mek zingah hian Aizawl District – 21, Lunglei District – 45, Siaha District – 1, Champhai District – 5, Kolasib District – 11, Serchhip District – 1, Lawngtlai District – 4, mamit District – 9, Khawzawl District – 2 leh Saitual District – 3, an ni a. Mipa 50 leh hmeichhia 51 an ni.


Tunah hian COVID 19 positive tawh hi 102 niin, dam tawh pakhat a awm a, vei mek 101 an ni.

COVID 19 vanga medical screening paltlang hi 1,08,444 an ni tawh a. Isolate a dah mi 191 awmin, Sawrkar hnuaia inkhunghrang hi mi 9,647 awmin mahni ina inkhunghrang hi 8,719 an ni thung. Damdawiin a enkawl mek 92 an awm a. COVID 19 swap sample test hi 2,747 neih tawh a ni bawk.

Post a Comment

0 Comments