COVID 19: Positive 46 hmuchhuak thar; Vei mek 87 tling tawh

Aizawl | June 9, 2020: COVID 19 sample test-ah vawiin khan positive mi 46 hmuhchhuah thar an ni a, tunah hian vei mek 87 an tling tawh.


Vawiin tlai dar 6:15 thlenga report a a lan danin,  Sample 459 test atanga positive result hriat theih zat chu mi 46 an ni.

Vawiina hri vei hmuhchhuah hi mipa 31 niin, hmeichhia 15 an ni a. An vai hian tkum 18 - 33 inkar vek an ni.

Hrivei hmuchhuah tharte hi Lunglei district atangin mi 43 niin, Lawngtlai district atangin pakhat leh Aizawl district atangin mi pahnih an ni a, Aizawl district a amite hi ZMC a admit sa an ni.

Positive hmuhchhuah tharte hi West bengal atangin 2, Goa6, Delhi atangin 23, Haryna atangin 4, Bangalore atangin 3, Haryana 4, Chhatisgarh 2, Maharastra atangin 2, Punjab atangin 2 leh Uttarakhand atangin 2 te an ni.

Hrivei hi 88 awm tawhin, pakhat a dam tawh a, vei mek hi 87 niin, Mipa 47 leh hmeichhia 40 an ni.


Sample test hi ZMC laboratory ah nimin atang khan chawl lovin khawl thar nen kalpui char char a ni a, zanin dar 6:15 P.M. thleng khan COVID-19 positive mi 46 hmuhchhuah an ni tawh.

Sample test hi tih chhunzawm mek a ni a, a remchan dan azirin update zel a ni ang.



Post a Comment

0 Comments