Aizawl | June 24, 2020: Nimin khan Zoram Medical Collegeg (ZMC) Lab a sample test result chhuakah mi pathum an positive a, Mi 617 an negative. Heti hian Mizoramah COVID 19 active case 126, enkawl dam tawh 19, belhkhawmin 145 an awm a ni.
Positive hmuhchhuah tharte hi Aizawl district mi pahnih, Lunglei district mi pakhat an ni a, mipa pakhat leh hmeichhia pahnih an ni. Kum 26 atanga kum 37 inkar an ni a, Delhi atanga rawn haw pakhat, Haryana atanga lo haw pakhat, niin, pakhat erawh positive contact atanga kai a ni. Pahnih hi quarantine facility a awm lai niin, pakhat hi Home quarantine a ni. Hri vei hmuhchhuah tharte hi symptoms nei pakhat leh neilo pahnih an ni.
Lunglei TruNAT sample positive, ZMC-a confirm tura thawn 1 chu positive zingah hian a tel. Heti hian Mizoramah COVID 19 active case 126, enkawl dam tawh 19, belhkhawmin 145 an awm a ni. Hri vei tawh zawng zawng hi mipa 68 leh Hmeichhia 77 an ni.
Lunglei Civil Hospital-in TruNAT positive sample pahnih ennawn tura ZMC lab-a an thawn chu nizan khan a result a chhuak a. Pakhat a positive ngei tih nemngheh niin pakhat erawh a negative thung.
Nimina damna chang, chhuah tak mi pasarih te hi Aizawl district mi panga, Saitual district mi pakhat leh Kolasib district mi pakhat an ni.
District tin test zat: Aizawl 352, Lunglei 3, Siaha 36, Champhai 85, Kolasib 29, Serchhip 47, Mamit 67 leh ZMC patient -1. Result chhuak kim chin tarlan a ni.
Post a Comment
He post chungchanga i ngaihdan lo sawi ve rawh: