Aizawl | June 12, 2020: District Hospital Hnahthial hnuaia thawktute chuan vawiin khan Medical Officer Dr.Lalrengpuii Ralte kaihhruaiin OPD building-ah Covid 19 dona tura tih tur leh mawhphurhna hrang hrang inhrilh hriat leh infuih tharna hun an hman bakah Covid Care Centre-a Medical Officer in-charge dah thar Dr.Esther Lalrintluangi lawmna hun an hmang bawk.
He hun kaihruaitu Dr.Lalrengpuii Ralte chuan Covid 19 chungchang a sawi bakah "he natna kan do kawngah hian Health Department hnuaia thawk kan nih angin theihtawp kan chhuah tlan a ngai a, hlauh viau hian awmzia a nei lova, fimkhur takin kan mawhphurhnate tha taka hlen chhuak turin kan insane mar reng a ngai a, Kan ram leh hnam hi Covid 19 laka hnehna chang ngei turin i thawk zel ang u" tiin a fuih bawk a ni
Quarantine Facility-a Nodal Officer leh MO ni bawk Dr. R. Lalsanglura chuan Quarantine Facility kalpui dan chungchang sawiin State dang leh ram dang atanga lo hawng reng reng te chu swab sample lak vek an nih thu te, Covid Care Centre siam a nih dan leh chumi enkawl turte pawh mumal takin staff indah vek a nih thu a sawi a, mahni mawhphurhna theuh tha taka hlen chhuak turin kalkhawm chu a chah bawk a ni.
Post a Comment
He post chungchanga i ngaihdan lo sawi ve rawh: