Aizawl | June 12, 2020: Prime Minister Pu Narendra Modi chuan Indian Chamber of Commerce (ICC) annual plenary session vawi 95-na nimin a video conferencing hmang a neihah hawnna thu a sawi.
COVID-19 hripui leng dona beihpui sawilangin Prime Minister chuan khawvel ramdangte rualin India pawhin huaisen takin a do let mek a ni a ti a. Hripui bakah hian kan ram hian harsatna dang tam tak- khaukhuap puangte, rial surte, oil khur kangte, hmun hrang hrang a lirnghing na vaklo thawkte leh cyclone chi hnih thawkte a hmachhawn thusawiin kan ram hian tangrualin heng harsatna te hi kan beilet a ni a ti.
Prime Minister chuan heng harsatnate hian India ram chu chhelna nasa zawk a siamsak thusawiin tumruhna, tuarhchhelna leh inpumkhatnate chu harsatna do let tura ram tana chakna petu an ni a ti a. Eng harsatna pawh India ram mahni intodelh (AatmaNirbhar Bharat) a siam tura kawng thar tha zawk min hawn sak tu a ni thei a ni a ti bawk.
Prime Minister chuan kum tam tak chhung chu mahni intodelh tum hi India ram innghahna thupui a ni a ti.
"Tun hun hi ramchhung a khua leh district zawng zawngte mahni intodelh a siam hun a ni" tiin India ram economy chu 'command and control' mode atang a khaichhuak a 'plug and play' mode hawi a kalpui a ngai a ni a ti.
Tun hun hi a inhumhalh zawng a hma la lova khawvel intlansiakna nasa tak atana ramchhung supply chain buatsaih a thuthlukna huaisen tak siam a investment huai taka siam hun a ni a ti a. AatmaNirbhir hlawhtlinna atana India ramin hma a lakna tur sector te a sawi lang a ni.
Prime Minister chuan "Intodelh tura hmalakna hi ram policy leh kalphungah hian ngaih pawimawh ber a ni a; tuna Corona hripui leng hian chak taka kalpui dan tur kawng min rawn kawh hmuh a ni" a ti a. "Kawng thar inhawng avang hian AatmaNirbhar Bharat campaign hi bul kan tan ta a ni" a ti bawk.
Pu Modi chuan tundinhmun a loh theihlova a lakluh thin bungruate pawh a thawnchhuaktu ram ni thei tura India ram siam tur hian kan thawhho vek a ngai a ni a ti a. Sumdawng tenau zawkte hmalakna fakin an hnen atanga tualchhung a siamchhuah bungrua kan lei hian kan leiman kan pe a ni ngawt lova an hmalakna chawimawiin lawmthu kan hrilh tihna pawh a ni a ti.
Swami Vivekananda-a thusawi sawichhawngin 'tun huna kan nunphung atana awlsam leh tha ber chu ram mipuite'n an siam chhuah hman/lei a, ramdang a a zawrh chhuahna tur ngaihtuah tel a ni' a ti a. Swami Vivekananda'n kawng min kawh hmuh hi post-COVID world-a India mite kaihruaitu tur leh innghahna tur a ni a ti.
Prime Minister chuan AatmaNirbhar Bharat campaign hnuaia reform ruahmante tarlangin MSME te huan tihzauhte, MSME te chhawmdawlna tur bik fund ruahmante, IBC kaihhnawih a thuthlukna siamte, investment chak zawk a kalpui theihna atana a buaipuitu tur Project Development Cells siamte a sawi lang a ni.
APMC Act siamthatna
Tunhnai a agriculture lama policy thar siam chungchang sawiin Prime Minister chuan kum tam tak chhung agricultural economy a khuahkhirhna awm thin chu tih zalen anih thu a sawi a. Tunah chuan India rama loneitute chuan India ram chhung khawi hmunah pawh an tharchhuahte zuar chhuak tura zalenna an nei tawh a ni a ti.
Organic farming hmunpui atan Hmarchhak
Tuna sorkar laipui kalphung tualchhung a siamchhuah leh tharchhuah a cluster based approach hman mek chuan mi tin tan kawng a hawn sak a ni a ti a. Bul tanna hmun district, block ah te cluster siam thin a ni ang a. Mau leh organic product-te tan pawh cluster siam a ni ang a; Sikkim angin hmarchhak pumpui chu organic farming hmunpui lian tham tak a la ni dawn a ni" a ti a. Hmarchhakah hian organic farming hi movement lian tham tak a nih theih tur thusawiin khawvel pum huapa hriat hlawhtham a siam anih chuan khawvel market a la thunun thei dawn a ni a ti.
Mipui, Planet leh Profit hi thil inkungkaih an ni
Prime Minister chuan hmanlai huna thilsiam chhuah lama Bengal chungnun thinna chu tuai nun thar leh a duh thusawiin industry te chu hma lampana kal turin a fuih a. Hemi atan hian innghahna atan "Vawiin a Bengal in a ngaihtuah hi naktukah India in a ngaihtuah ang" tih hi innghahna atana hmang turin a ti a. Mipui, Planet leh Profit te chu an inkaihhnawih vek thusawiin an pathum hian innek buai lovin an awm thei a ni a ti. Hemi sawi zauna atan hian LED bulb man tla hniam chu entirna atan a hmang a. Kum 6 kalta nena khaikhinin kumtinin electricity bill ah hian cheng vaibelchhe 19,000 vel kan hum theih phah ziah a ni tiin hei hi mipui leh kan planet tana hlawkna/profit a ni a ti a. Kum 5/6 kalta atang a sorkarin scheme hrang hrang leh thuthlukna a siamte chu mipui, kan planet leh profit behchhan a siam leh duan an nih thu a sawi a. Mipuiin tui kawng hawn an tangkaipui leh hlawkpui thu pawh sawiin veivah man a tihtlem bakah fuel hman a tlem avangin kan planet tan pawh a tha a ni a ti.
People Centric, People Driven and Planet Friendly Development Approach
Entirna dang atan ramchhung a plastic vawi khat chauh hman thin titawp tura campaign a hmang a. Hei hi West Bengal in an tangkaipui tur thusawiin Jute a sumdawnna a ti lian dawn a. People Centric, People Driven and Planet Friendly Development Approach chu tunah chuan kan ram Sorkar inrelbawlna a kalphung pakhat anih tawh thu a sawi bawk a. "Khawl kan rawlh telte pawh Mipui, Planet leh Profit kalphung nen a inmil vek a ni" a ti.
RuPay Card leh UPI
Prime Minister chuan Banking service te pawh UPI hmangin touchless, contactless, cashless anih tak bakah darkar 24 hman theih a ni tawh a ni a ti a. BHIM App hmang a transaction siamin record a siam tawh a. Rupay card chu tunah chuan miretheire, loneitute, middle class-te leh ram chhung a mi nawlpuite card hman ber a ni tawh thusawiin India ram intodelh a siam turin RuPay Card hmang uar turin a ngen a. Tunah chuan banking service in ram chhung a mirethei berte pawh a thleng pha tawh a ni tiin hemi hmang hian bo thlau thei awm miah lovin DBT leh JAM (Jandhan Aadhaar Mobile) hmangin beneficiary maktaduai tam tak hnenah chhawmdawlna pek anih theih phah a ni a ti.
Self help group te nau zawk leh MSME-te'n GeM platform hmang a Sorkar laipui hnena an bungrua leh service an pekchhawn an hlawkpui theih dante pawh a tarlang a.
Industry-te chu R&D leh battery tha zawk siamchhuah lama invest tura chahin hei hian ramchhung a Solar Panel power storage capacity a tichak dawn a ni a ti a. Hetiang lam hi MSME-te ngaihven pui emaw hetiang lam buaipuitute ngaihven turin a chah bawk a ni.
Guruvar Tagore-a poem lar tak "Nutan Juger Bhor" sawichhuakin Prime Minister chuan Industry te chu tun hun harsa kara kawng thar awm theite ngaihven a hrethiam tura chahin feet khat lek kalah pawh kawng thar a awm thei a ni a ti a. Tunah hian muangchang thei kan ni lo a ni a ti.
Prime Minister hian East India leh Hmarchhak a industry din leh tihhmasawn chungchangah an thawhhlawk avangin ICC chu a fak bawk a ni.
- PIB Aizawl
***
Post a Comment
He post chungchanga i ngaihdan lo sawi ve rawh: