Chief Minister hnena Mpass titawp tura ngenna awm zia la awmlo; Sumdawng ten la hmang mang lo

Vairengte | June 1, 2020: Tunhnaia Vairengte Joint VC ten Mizoram a bungraw phur lut turte Home Dept atanga Mpass hmanga phalna lak ngai ti tawp tura Chief Minister hnena ngenna an siam chu tun thlengin a chhanna hriat ala ni lova. Hetihlai hian Mpass hi vawiin atanga lockdown 5 kalpui leh turah pawh hman tum niin sumdawng, bungraw chahluttu tam zawk chuan Mpass hi an la hmang chuang mang lo ni a thu dawn a ni.

May 25 khan Mizo- ram chief Minister Pu Zoram- thanga chu Vairengte ah lo kalin hemi \um hian Vairengte Joint VC te chuan Mizoram a bung raw (Non essential) phur lut turte Home deptt. kaltlang a Mpass hmanga dilna chu ti tawp turin an lo ngen a. He Mpass hi Smartphone a application pakhat Mcovid 19 hmangin a dil thei a. Hei hi sum dawng leh bungraw la lut tur ten an siam sak tur anih laiin sum dawng tam zawk chuan an siam ngai lova. Hei vang hian mizo ram a bung raw lut turte hi gate thlangah rei tak tak in nghak khawmin gate hnaia awm Mizo thenkhat leh medical duty ten an lo siam sak thin ni a thu dawn a ni. Joint VC ten hei hi ti tawp tura an ngen chhan pawh hetianga Mpass nei lo gate thlanga motor dingkhawm a tam thin avang leh heng driver/ handyman zing ah hian Covid- 19 hri vei lo awm palh se nasa zawka inkaihdarh theihna a sang hle a,hei vang hian Mpass hi ti tawp a,a hma police check gate-a motor entry dan pang ngai anga entry-in lirtheite hi tlang zung zung zawk se, mipui tan a him zawk niin an sawi a.Tin, Joint VC ten lockdown kalpui leh turah ramri a awm te inkaih hruai dan tur tichiang tura an ngenna pawh awmzia a awm lem lo ni a thu dawn a ni.

Hemi chungchang ziaka Chief Minister hnena an thlen hi Chief Minister chuan a theih ang anga lo bawhzui a tum thu a sawi a. Amaherawhchu kar khat hnuah pawh engmah sorkar atangin thuthar la awm lovin Mpass hi kalpui ala ni reng a ni. Hei vang hian Mizoram a bungraw phur lirthei lut tur hi thui tak tak an la in tlar fo ni a thu dawn a ni.Hetianga bung raw lut tur rei tak tak a din khaw muan thin avang leh Mpass hi sumdawng ten an siam ngai loh avangin tunhnai atang khan Medical duty te chu Mpass siam sak mai tura tih anni a. Hetianga an tih loh chuan bungraw phur te hi an let duh loh bakah an din belh zel avang in harsatna lian zawk a thlen ai chuan Mpass hi siam sak anni ta ni a thu dawn a ni. Tin, M pass nei driver thenkhat te pawh a dik lo atam in siam that leh ngai a awm fo thin niin an sawi bawk.

Hetihlai hian gate bul vel a awm mi thenkhat chuan Mpass hi pawisa hlawhin an siam sak mek ni a thu dawn a ni bawk a. Mpass pakhat siam nan hian bungraw phur lut tur driver te hnenah Rs.200/300 te an lak sak mek ni a thu dawn a ni. Tin, Mpass siam dawn hian driver leh handyman address kim chang, Phone No,Voter ID No., Motor registration No leh driv- ing lisence te a ngai a,hei bakah hian an bungraw pekna tur con- tact No. leh address te,an rawn kalna state leh address te ziah a ngai a, heng te hi document dik tak awm lo pawhin a awm ang deuh phuahchawp in awlsam takin Mpass hi siam theih a ni a. A siam thang tan chuan Minute 5 pawh tling lova awlsam takin a siam zung zung theih a ni.

RENGKHAWPUI NEWS

Post a Comment

0 Comments