Thlen khawm runpui vawiin-ah; Bairabi Khawpui a pui dawn

Aizawl | May 28, 2020: Bairabi Rel Station-ah vawiin chawhnu hian tangkhang mi 2000 vel ṭe ṭaw an rawn thleng dawn. 

Tuna a landan chuan nizan leh tukin lama rawn thleng hmasa tura ngaih Gujarat leh Madhya Pradesh lam chu Bangalore lamin Bairabi an rawn hnaih tawh zawk mauh mai.

Bangalore atanga rawn kal te Guwahati a an chawlh tawh laiin Gujarat leh MP lam hi Guwahati KM 45 velin an la thleng lo a ni. 

Vawiin hi thlenkhawm runpui lian ber a nih dawn hmel a, a khahin kan khat mup mup mai dawn a ni. Bus pawh 119 zet ruahman a ni a, ei tur lam pawh a hau tak khawp ang.

Delhi lam atangin mi 1500 vel an rawn che leh tan bawk. Bangalore hi mi 1500 vel bawk ni tura ngaih an ni. Delhi hi Inrinni velah an rawn thlen beisei a ni bawk.

Kerela lamin tukin dar 1:30 khan Badarpur  (Cachar Assam) an lo thleng a,  dar 3 vel  khan Mizoram an rawn pan a. Zing chaw ei hun lai vel khan Mizoram an rawn lut tawh nia hriat a ni bawk.

 -  ZMP Tlau

Post a Comment

0 Comments