MI 11 CHUANNA BUS CHESUAL; NUNNA CHAN AWM LO

Aizawl | May 28, 2020: Tukkin zinglam dar 5 vel khan Delhi a tangkhang, Siaha a haw tur phur bus chu Tawipui 'S' bulah a chesual.

Tawipui 'S' atanga thu kan dawn danin tukkin zing lam dar 5 vel khan Delhi a tangkhang, Siaha a haw tur bus chu Tawipui 'S' khaw dai, Tourist Lodge/Highway Restaurant bulah chesualin kawngthlangah a lum a. Bus cheusalah hian mi 11; hmeichhia 2, (Delhi a hnathawk pakhat leh zirlai pakhat) leh mipa 7 (zirlai vek) bakah driver 2 (Gopal Jagdis leh Ranjeet Kumar Yadav) te an chuang a, vanneihthlak takin an zinga nula pakhat bak chu hliam na lutuk leh nunna chan an awm lo. Hliam tuar hian a kawng bawr a chet tha ngam lova tih lohah chuan ngaihtuahawm a nilo niin kan thudawnna chuan a sawi.

Chetsual thu hi hriat anih veleh Tawipui 'S' khawtlang hruaitute leh VLTF te bakah Tawipui 'S' damdawiina Medical Officer, Dr. C. Lalhlimpuii hovin a hmunah kalin buaipui nghal an ni a.  Lawngtlai atangin Medical team leh ambulance tirh nghal a ni bawk.

- Kiddy Vanchhawng