- Zmp Tlau
Editor, Zingṭian
Covid19 hri leng avangin state hrang hrang haw khawm runpui a thleng mek a, haw khawm ho hi Covid19 North East a rawn hawntute an ni hlawm. Assam hian Covid19 hri vei 100 an nei tling ta a, an vai deuh thaw hian India ram hmun dang atanga kai an ni hlawm a, a bak tlem a zawng chu haw hoten an kaichhawn a ni.
State dang atangin Mizoram-ah an rawn haw hnem ve ta hle a, a hlim chhawnah kai pakhat kan nei ve tih loh chu Confirm case kan la nei ve lo a ni. State danga Mizo kai awm te pawh an hnathawhna atanga kai an ni hlawm a ni.
State dang atanga bus leh lirthei hmanga tam tak an rawn luh hnuah kar kalta zirtawpni khan Tamilnadu mi sing telin Covid19 an vei tawhna atangin mi 903 zet an rawn haw a, Covid19 symptom nei pahnih khat tal an awm rin a nih laiin chutiang chu an awm lo. Assam lamah a haw a piang deuh thaw a Positive case an awm lai a hetiang dinhmun a kan ding hi kan vannei satliah avang a a lo ni ngawt lo.
Tamilnadu atanga rawn haw te kha an tangkhanna state a an awmdan ka lo zawt nual a, pawnah kan chhuak thei lo a, State dang miten 'Conora' te te in min ko a, min thin hrik avangin chhuah ngam pawh a ni ve lo" an ti hlawm a ni. An ni lo pawh hi State dang atanga min rawn bia an awm nual a, a then chu an awmnaten an thuhruk te an ni hlawm a ni.
Kan hmel danglamna hi kan himna kulhpui chu a lo ni zawk a ni.
Assam lam hi chu an hmel hi a Indian hlawm hle a, Muslim leh Bengali an tam em em bawk. An hmel hi a indian avangin hna an thawk thei bik lo tih lohah chuan an zalen deuh a, an zalenna hi an vanduai pui niin a rin theih a ni.
Tangkhang dinhmun ka thlir a ka hmuhdan a ni a, a dik vek lo thei a, a dik thui viau thei bawk a ni. Assam lam chu an Allert deuh reng a.. Keini lam chu ZMC lama kan nawr liam te pawh an negative result kan nei zel chu a nih hi.
Fimkhur tak zel chungin aw ni ang.
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: