Lunglei-ah COVID 19 test theih thuai dawn

Aizawl | May 29, 2020: Indian Council of Medical Research Guidelines angin National Health Mission, Mizoram hmalakna in Civil Hospital, Lunglei-a Biosafety Level-2 laboratory ah COVID-19 sample test-na atana hman turin vawiin khan Molbio Truenat khawl 2 chu hman mai theih tura bun a ni.


Sawrkar thuchhuahin a tarlan danin, He khawl hi NHM hnuaia programme pakhat National TB Elimination Programme hnuaia bun niin, Civil Hospital, Lunglei-a thawk mek Dr. RSC Vanlalruati, Microbiologist, Z.D. Lalremruati, IDSP Microbiologist, leh Lalhriathlui Khiangte, Laboratory Technician-te hnenah hian State Nodal Officer, Truenat COVID-19 Testing, Dr. Krossnunpuii leh K.Lalrinsanga, Sr, Laboratory Technician ten traning an pe nghal a ni.

Truenat Covid-19 test hi ICMR-in RT-PCR tluka rintlaka a ngaih a ni a, he khawl hi quality run pass leh ICMR a registration tih fel anih hunah COVID-19 test na atan hman theih a ni ang.

Post a Comment

0 Comments