LOCKDOWN PAWHSEI IN RAWT LEH MAW?!

1. A rawttu doctor rual te hi thlatin hlawh nei an nih lai hian an hlawh hi cut sak an duh ang em?

2. Thuneitu, Lockdown pawhsei support-tu tamtak hi lock down vang hian No Work No Pay kalpui ve se an duh reng ang em?

3. Nitin inhlawhfa te tan inhlawhna mai tur a vang, Sawrkar hian buhfai tlemte bak hi engmah a la sem lo a, nitin inhlawhfa te hi an inluahman, chawhmeh man, damdawi man a tumsak thei dawn em?

4. Sumdawnga Dawrluah tamtak an awm, an mi rawihte hlawh pe hram hram te hian chawibelh inhuamin an hnathawk te an la pe hram hram, heng te hi sawrkar hian a hriatpui em?

5. Hnathawh theih loh vangin mi tamtakin Inluahman, Electric Bill, Tui Bill, TV Bill, etc an ba nasa, heng hi sawrkar hian a hriatpui em? A provide sak thei dawn em?

6. Chhungkaw dam loh hritlan vanga damdawi man takngial pawh neilo a awm theih tih hi sawrkar hian a hriatpui em?

7. Covid 19 hian engtik thleng nge min tihbuai dawn a hriat loh a, hei vang hian lo inkharkhip ngawr ngawr hi kan tan a ṭha ber em?

8. Chhungkaw mamawh hi Buhfai chauh a ni lo a, Eirawngbawlna Gas, Chawhmeh, Nutrition, etc., kan mamawh.. Eichhiat lutuk vangin kan hriselna in a tuar thei tih hi an hria em?

9. Ramri humhalh ṭha chuang si lo a khawchhung inkharkhip bur hi Kawngkapui hawng huau chunga tukverh khar ṭhap ang chauh a ni tih an hrethiam em?

10. State dang aṭanga lo haw te quarantine vek se, an sample test vek an nih hnua negative result an nih hunah chiah chhuah zalen ni se enge hlauh tur awm? Test lab pawh kan nei vek a ni lo'm ni?

11. Mi inphal te zarah Local Level Task Force te thilsem ringa min hnutchhiah chhunzawm hi a tum zel em ni kan sawrkar chaktak hian?

Note-  Kan sawrkar chaktak hian Pu berin a tiam ang ngeiin Nuai 3 sem se la, Khawhlut zur zur, lehlama Liam zur zur hi min thal tir ve se kum 3 pawh lockdown kan zuam a sin.

Patling mangang leh Rilṭam retheih manganna hrethiam phachin ten lockdown pawhsei hi rel ve tawh rawh se.

- Unknown

Post a Comment

0 Comments