June 16 atangin HSSLC exam chhunzawm dawn; HSLC Compartment exam centre 11 ah

Aizawl | May 27, 2020: Mizoram Board of School Education (MBSE) hnuaia Higher Secondary School Leaving Certificate (HSSLC) Arts, Science & Commerce chu June 16 atanga exam chhunzawm turin sawrkarin thu a chhuah.



Thuchhuah ang chuan, zirlaite hian zing dar 10 atanga chawhnu dar 1 thleng exam an bei ang a. June 16 hian Economics leh Chemistry examin, June 17 hian Sociology an exam ang a, June 18 ah Computer Science leh Home Science an exam bawk ang.

HSSLC exam hi April thla khan buatsaih tum a ni tawh a, mahse, central thupek angin a hun sawn leh a ni.

Tin, Mizoram Board of School Education hnuaia High School Leaving Certificate (Compartmental) Examination, 2020 chu June 16 hian centre 11 (sawmpakhat); district tina centre khat-ah a buatsaih dawn.

Exam hmachhawn turte hian Examination Fee- Rs 250; Late fee (if any)- Rs 500, Centre Fee- Rs 150; Practical Fee- Rs 100 te an chawi a ngai dawn a. Form thehluh hun hnuhnung ber hi June 5 a ni.




HSSLC Routine
16.06.2020 10:00am to 1:00pm Economics/Chemistry (T)
17.06.2020 10:00am to 1:00pm Sociology
18.06.2020 10:00am to 1:00pm Computer Science (T)/Home Science (T)


Post a Comment

0 Comments