Aizawl | May 21, 2020: COVID 19 dona kal mek-ah vawiin khan Hnahthial Presbyterian Kohhran chuan Hnahthial District quarantine Centre-a awmte mamawh phuhruk nan District Bawrhsap leh District Level Task Force Chairman ni bawk Vanlalmawia hnenah cheng 50, 000/- (Sing nga) an hlan.
Hnahthial Presbyterian Kohhran in an theihna anga sorkar lama mawhphurtu te tanpui duhna thinlung pu a, a taka an pen chhuak chu lawmawm leh ropui a tih thu Hnahthial District Bawrhsap chuan a sawi bakah mimal leh pawl hrang hranga tanpuina an dawn thu leh nimin lawkah pawh ramri a duty-te tan VLTF Pangzawl chuan Rs.10000 an pek thu leh lawmawm a tih thu a sawi bawk a ni.
Hnahthial Presbyterian Kohhran hian tuna Rs.50,000/- an pek hma pawh hian District Task Force tanpui nan Rs.5000/- (Sang nga) an lo pek tawh bakah mi harsa thahnem tak an lo tanpui tawh bawk a ni
Hnahthial District quarantine centre-ah hian mi 23 awm mekin midang 125 vel rawn hawng leh tura ruahmanna siam a ni.
Post a Comment
He post chungchanga i ngaihdan lo sawi ve rawh: