Koalsib | May 31, 2020: Nizan zanlai dar 12:30 khan Delhi a Mizoram mi leh sa tangkhangte chuan Bairabi rel chawlhhmun an thleng a, Kolasib DC Dr. H. Lalthlangliana hovin a hmunah hian thawktu hrang hrang ten an lo hmuak a ni.
Nizana Delhi atanga lo thlengte hi rel atanga an chhuk veleh screening point hrang hrang 10 ruahman sa ah endik nghal zel an ni a, screening point a endik zat chhinchiah a nih danin Aizawl district a cheng mi 597, Champhai district a cheng mi 106, Hnahthial district a cheng mi 6, Serchhip district a cheng mi 48, Khawzawl district a cheng mi 37, Kolasib district a cheng mi 90, Lawngtlai district a cheng mi 117, Lunglei district a cheng mi 110, Mamit district a cheng mi 60, Saitual district a cheng mi 30 leh Siaha district a cheng mi 235, an vaiin mi 1436 an ni.
Bairabi rel chawlhhmunah hian ei leh in lo buatsaihsak an ni a, screening point 10 a endik an nih hnu hian sawrkarin an district theuha an hawna tur Bus a ruahman sak hmangin Liason officer leh escort te kaihhruaina hnuaiah thawn chhuah an ni.
Nizana Bairabi rel chawlhhmuna rawn thlengte hi a tira rawn haw tura in report zat hriatlawksa aia an tam avangin sawrkar inpuahchahna nen a inmillo deuh hlek a, mahse harsatna lian tham em em awm lovin ruahmanna tha tak nen chinfel a ni.
Post a Comment
He post chungchanga i ngaihdan lo sawi ve rawh: