CHENNAI LAM AṬANGIN AN RAWN HAW MÊK; TAMIL NADU SAWRKARIN KALMAN TUMSAK!

Aizawl | May 12, 2020: Chennai Mizo welfare Association, Tamil Nadu sawrkar, Mizoram sawrkar leh Sikkim sawrkar ten ni eng emaw zat an buaipui hnu-in Chennai - Bairabi train, tangkhang mi 975 vel Tamil nadu leh Pondichery mi 17 vel leh Sikkim mi 87  te chuanna chuan zanin  hian chennai a rawn chhuahsan dawn ta niin exploremizoram.com chuan thu a dawng.

Mizo tangkhang te Rel chawlhhmun-ah an awm khawm |Pic: Gaby Sanga

Ruahma lawk ang chuan heng mite hi May 15 zing dar 9:30 hian Bairabi an rawn thleng ang.

Chennai khaw pawn district 22 atangin Tamil Nadu sawrkar in  pawisa a tum sak in mi 308 vel motor-in Chennai-ah hruai thlen an ni a. Heng ho veivahna leh kal velna lo buaipuitu district 22 district collector te hmalak dan a fakawm thu exploremizoram.com thu a dawng bawk.

Mizo ṭhalaiten rel station ah thil ṭul an tifel.

Zinkawng hla tak an zawh hlawm a, a zin hla berin India ram chhim tawp Kanyakumari atangin motorin Chennai thleng an  chhova, Rel in chennai atanga Bairabi an kal leh ang.

India leh Sri Lanka ramri, India president hlui APJ Abdul kalam a khua Rameswaram atanga rawn kal khawchhak lam ah an zin thui ber anga, Nilgiris Hills atanga rawn kal te khawthlang lam ah an zingkawng a hla ber thung ang.

Chennai a awm mi 667 vel te a khaw len avang leh lirthei tlan awm mang loh avangin  an buaipui ber niin exploremizoram.com chuan thu a dawng a. Tamil Nadu sawrkar-in Bus 22 phurh khawm nan man lova a tlan tir chungin bus thlen phak loh  mi eng emaw zat taxi hire a lam ngai an awm bawk niin thudawnna chuan a sawi.

Rail chuan man hi India sawrkarin a tum teih chin chuan man 85% piah lam chu Tamil Nadu sawrkar-in a tumsak a, TN hian chuan man 15% a tumsak dawn niin thudawnna chuan a sawi bawk.

Thudawnna chuan Chennai leh a chhehvela  All India Service Mizo awm-te chu tanhkhangte hawna atan hian an ṭangkai hle a, IAS leh IPS te an lo ṭangkao zia a lang chiang hle niin thudawnna chuan a tarlang bawk.