Task Group on Commodities hmalaknain social distancing atan Buichali Checkgate-ah Truck 82 din lailawktir

Aizawl | April 29, 2020: Task Group on Commodities hmalaknain Mizoram mamawh lakluh mek a ni a, social distancing atan Buichali Checkgate-ah Truck 82 din lailawktir an ni a, April 24 atang khan buhfai a thlawnin sem mek a ni.

• Sawrkar laipuiin PM-GKAY (Pradhan Mantri Garib Kalyan Anna Yojana) hnuaia miharsa zawkte tana ruahmanna a siam angin NFSA hnuaia AAY chhungkua (Ration Card eng) leh PHH beneficiaries (Ration Card hring) te hnenah buhfai thlatin mi pakhat tan 5 kgs thla thum i.e April, May leh June, 2020 chhung atana a thlawna sem tura a tih chu April ni 24, 2020 atang khan FCS&CA Department chuan April leh May, 2020 thla a mi tur a sem tan ta a. Tunah hian Mizoram pumah NFSA beneficiaries/unit 693661 an awm mek a ni.
• PDC Lunglei atanga buhfai la Mualthuam South Retailer te chuan AAY leh PHH family ten PM-GKAY buhfai a thlawna an dawn atangin an phal ang tawk buhfai an tham chhuak veleh a tanpui ngaite tan VLTF te sem turin bag 4 (2qtls) an theh khawm veleh a ni. An inpekna a chhuanawm hle.
• Tun dinhmunah State dang atanga buhfai rawn phur luttu Truck te chu Social Distancing maintain nan Buichali Checkgate-ah Truck 82 din lailawktir an ni. Heng Truck driver leh handymante hi inven fimkhur a tul dante hrilhin mask vuah tir zel an ni bawk.
• GMG Zuangtui a dah tur State dang atanga buhfai lo phur luttu Truck te chu disinfectant kah chhunzawm zel an ni a, heng a kaptute hnathawh dan enpui hian Fire & Emergency Services SP Pu Ruatsanga Ralte, MPS chuan a hmunah a tlawh nghe nghe a ni.